Լեհ աշխարհահռչակ ռեժիսոր Վոյչեխ Մարչևսկին Հայաստանում է 12 հուլիսի 2011 - 14:45 AMT PanARMENIAN.Net - «Ոսկե ծիրան» 8-րդ միջազգային կինոփառատոնի շրջանակներում կայանալու է լեհ հայտնի կինոռեժիսոր Վոյչեխ Մարչևսկու ֆիլմերի հետահայաց ցուցադրությունը: Ցուցադրվելու են նրա երեք ամենահայտնի` «Երկյուղներ» (1981) «Փախուստ «Ազատություն» կինոթատրոնից» (1990) և «Վեյսեր» (2000) ֆիլմերը: Բացի դրանից, ռեժիսորը վարպետության դաս է անցկացնելու հայաստանի թատրոնի և կինոյի պետական ինստիտուտի ուսանողների համար: Վոյչեխ Մարչևսկին ծնվել է 1944թ-ին Լեհաստանի Լոձ քաղաքում:Լեհ կինոռեժիսոր է սցենարիստ: 1962-ին սկսել է ռեժիսուրա ուսանել Կինոյի, հեռուստատեսության և թատրոնի պետական բարձրագույն դպրոցում: Ուսումն ընդհատել է 1964-ին, ընդունվել համալսարան` փիլիսոփայություն և պատմություն ուսումնասիրելու նպատակով: Երեք տարի անց վերադարձել է կինոդպրոց` կինոռեժիսորական կրթությունն ավարտելու: 1968-2001 թթ. 12 ֆիլմ է նկարահանել: Նրա ՙՎախերը՚ 1981-ին «Արծաթե արջի»` Ժյուրիի հատուկ մրցանակին է արժանացել Բեռլինի 32-րդ ՄԿՓ-ում: «Փախուստ «Ազատություն» կինոթատրոնից» ֆիլմը 1991-ին ցուցադրվել է Կաննի ՄԿՓ-ի «Հատուկ հայացք» ծրագրում: Կինոռեժիսուրայից բացի, Մարչևսկու կյանքում նշանակալից տեղ ունի ուսուցչությունը: 1984-ից կանոնավորապես դասավանդել է Կոպենհագենի Կինոյի և հեռուստատեսության ազգային դպրոցում: 1992-1994 թթ. Մեծ Բրիտանիայի Կինոյի և հեռուստատեսության ազգային դպրոցի ռեժիսուրայի ֆակուլտետի դեկանն է եղել: Ի լրումն` Անջեյ Վայդայի կինոռեժիսուրայի բարձրագույն դպրոցի համահիմնադիրն է և գլխավոր դասախոսներից մեկը, դպրոց, որը Վարշավայում իր դուռը բացեց ուսանողների առաջ 2002-ին: «Ռեժիսուրան դա զուտ մասնագիտություն չէ, այլ առաքելություն է և կոչում: Այն իմ համար շարժանկարի միջոցով հաղորդակցվելն է կինոդիտողի հետ: Ես պատասխանատու եմ իմ ֆիլմերի համար», ասում է Մարչևսկին: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ալիև․ ՌԴ-ն երբեք չի հեռանա Կովկասից Նա հավելել է, թե Ադրբեջանին հաջողվել է ՌԴ հետ համագործակցության այնպիսի ձևաչափ մշակել, որը փոխշահավետ է Ծիծեռնակաբերդում Աննա Հակոբյանի ներկայությամբ միջադեպի առնչությամբ 7 ձերբակալված կա Նախաձեռնվել է քրեական վարույթ Երևանում անհնազանդության ակցիաներ են. Փողոցներ են փակվում, կառավարության դիմաց ցույց է Քաղաքացիների կողքին ընդդիմադիր պատգամավորներ կան Նախարար․ 2026–ից բուհ կընդունվեն դպրոցական ավարտական քննությունների արդյունքներով Տավուշի մարզում 2021–22 թվականներից փորձարկվում է հանրակրթության նոր չափորոշիչը |