Երևանի Հյուսիսային պողոտայի վայրում տարածքների և տների նախկին սեփականատերերը մինչ օրս փոխհատուցում չեն ստացել: Ինչպես PanARMENIAN.Net-ի թղթակցին է հայտնել սեփականության իրավունքների պաշտպանությամբ զբաղվող ՀԿ-ի ղեկավար Վաչագան Հակոբյանը, 100 ընտանիք հայտնվել է փողոցում, իսկ մոտ 30 գործ քննվում է Եվրոպայի դատարանում: Ըստ նրա, տուժածները մշտապես դիմել են և նախագահի աշխատակազմին, և կառավարությանը, և քաղաքապետարան, սակայն նրանց պատասխանել են՝ Ռոբերտ Քոչարյանն է ձեզ խաբել՝ նրանից էլ փոխհատուցում պահանջեք:

Կառավարության շենքի մոտ անցնող բողոքի ակցիայի մասնակիցներից մեկը՝ Լաուրա Մինասյանը ունի դատարանի 2006թ. որոշումը 253 քմ հողի համար փոխահատուցում ստանալու վերաբերյալ, մինչ օրս վարձով է ապրում, ամեն ամիս վճարելով 90 000 դրամ: