Հայաստանը ցանկանում է տեղայնացնել գյուղատնտեսության ոլորտում Արգենտինայի առաջավոր փորձը18 հուլիսի 2011 - 19:08 AMT PanARMENIAN.Net - «Արգենտինայի գյուղական հասարակություն» կազմակերպության նախագահ Ուգո Լուիս Բիոլկատիի և քարտուղար Խոսե Պեդրո Ռեխխիի հրավերով Հայաստանի գյուղատնտեսության նախարար Սերգո Կարապետյանը մեկնել է Արգենտինա` մասնակցելու Բուենոս Այրեսի անասնաբուծության, գյուղատնտեսության և միջազգային արդյունաբերության 125-րդ հեղինակավոր ցուցահանդեսին: Ցուցահանդեսի բացման պաշտոնական արարողությունը կայանալու է 2011 թվականի հուլիսի 23-ին «Լա Ռուրալ» մրցադաշտում: Ցուցահանդեսի ընթացքում տեղի է ունենալու չեմպիոն հռչակված գյուղատնտեսական կենդանիների շքերթ, ներկայացվելու են արգենտինական արտադրության գյուղատնտեսական ապրանքներ, կազմակերպվելու են թեմատիկ համաժողովներ և սեմինարներ, գործնական հանդիպումներ: Նախատեսվում է նախարարի հանդիպումը Արգենտինայի գյուղատնտեսության, անասնաբուծության և ձկնաբուծության նախարար Խուլիան Դոմինգեսի հետ: Կքննարկվի երկկողմ համագործակցությանը վերաբերող հարցերի լայն շրջանակ: Կստորագրվի «Հայաստանի Հանրապետության գյուղատնտեսության նախարարության և Արգենտինայի Հանրապետության գյուղատնտեսության, անասնաբուծության և ձկնաբուծության նախարարության միջև համագործակցության մասին» փոխըմբռնման հուշագիր: Այցի ընթացքում Սերգո Կարապետյանը կհանդիպի արգենտինահայ համայնքի ներկայացուցիչների, մասնավորապես, ճանաչված գործարար Էդուարդո Էռնեկյանի հետ: Հիմնական նպատակը վերջինիս գյուղատնտեսական արտադրությանն ու վերամշակող ձեռնարկություններին ծանոթանալն է, արգենտինական առաջավոր փորձը մեզանում օգտագործելու և տեղայնացնելու ցանկությունը: Հաջորդ հանդիպումը կլինի ագրոպարենային բնագավառի արգենտինահայ գործարարների հետ, որոնց նախարարը կհրավիրի մասնակցելու Հայաստանի Հանրապետության անկախության 20-րդ տարեդարձի միջոցառումների շրջանակներում 2011 թվականի հոկտեմբերի 14-16-ը Երևանում կազմակերպվող հայ ֆերմերների առաջին համաշխարհային «Հայագրոֆորում» համաժողովին, հայտնում է ՀՀ գյուղատնտեսության նախարարության լրատվության բաժինը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | «Էջմիածին» դաշինքի ղեկավար Սևակ Խաչատրյանն ազատ է արձակվել նրա մոտ զենք-զինամթերք չի հայտնաբերվել Սալիվան. ԱՄՆ-ն խորապես մտահոգված է Վրաստանում ժողովրդավարության նահանջով Նա հավելել է, որ ԱՄՆ–ն սատարում է վրաց ժողովրդին ՀՀ նախագահն ԱՄՆ-ում հանդիպել է կուսակցությունների ներկայացուցիչների հետ Նա մանրամասներ է հայտնել Հայաստանի և Ադրբեջանի միջև ընթացքող սահմանազատման գործընթացի վերաբերյալ Սամվել Բաբայան․ Նիկոլին սարքել եք անփոխարինելի, փողոցից ում էլ բռնեն՝ իրենից վատ վարչապետ չի լինի, թող հրաժարական տա Նա ասել է, որ պետք է գնալ նոր ընտրությունների |