Շախմատի աշխարհի տղամարդկանց թիմային առաջնության 3-րդ տուրում Հայաստանի տղամարդկանց հավաքականը կհանդիպի մրցաշարի առաջատար Ռուսաստանի հավաքականի հետ, որն ունի 6 միավոր:
Առաջին խաղատախտակի վրա Լևոն Արոնյանը կհանդիպի Սերգեյ Կարյակինի հետ, Սերգեյ Մովսիսյանի մրցակիցը կլինի Ալեքսանդր Գրիշչուկը, Վլադիմիր Հակոբյանը կխաղա Յան Նեպոմնյաշչիի հետ, իսկ վերջին՝ 4-րդ խաղատախտակի վրա Գաբրիել Սարգսյանը կհանդիպի Պետեր Սվիդլերի հետ:
Երկրորդ տուրից հետո Հայաստանի հավաքականը վաստակել է 5,5 միավոր և զբաղեցնում է 2-րդ տեղը:
Մյուս հանդիպումներում կխաղան Եգիպտոս-ԱՄՆ, Չինաստան-Իսրայել, Հնդկաստան-Ուկրաինա, Հունգարիա-Ադրբեջան զույգերը: