Հուլիսի 21-ից օգոստոսի 30-ը վերսկսվելու են Երևան քաղաքի Ծիծեռնակաբերդի խճուղու վերակառուցման 2-րդ փուլի աշխատանքները: Այդ ժամանակահատվածում դադարեցվելու է տրանսպորտային միջոցների երթևեկությունը խճուղով: Մինչ շինարարական աշխատանքներ ավարտը Ծիծեռնակաբերդի խճուղով շահագործվող Երևանի ներքաղաքային երթուղիների աշխատանքը կազմակերպվելու է այլ ուղեգծերով:
Ավտոբուսային հ.հ. 19, 26, 33, միկրոավտոբուսային հ.հ. 62, 70, 74, 87, 102 երթուղիները Լենինգրադյան փողոցից երթևեկելու են Կիևյան-Օրբելու փողոցներով- Մարշալ Բաղրամյան պողոտայով- Պռոշյան-Պարոնյան փողոցներով- Մաշտոցի պողոտայով, այնուհետև գործող ուղեգծով:
Միկրոավտոբուսային հ. 90 երթուղային Կիևյան փողոցից երթևեկելու է Հալաբյան փողոցով- Հրազդանի կիրճով- Աթենքի փողոցով- Ծովակալ Իսակովի պողոտայով, այնուհետև գործող ուղեգծով:
Միկրոավտոբուսային հ. 110 երթուղին Սեբաստիայի փողոցից երթևեկելու է Ծովակալ Իսակովի պողոտայով- Վերֆելի (Կիլիկիա)- Աթենքի փողոցով- Հաղթանակի կամուրջով, այնուհետև գործող ուղեգծով:
