ՀԱԿ-ն անհրաժեշտ է համարում հոկտեմբերի կեսերին անցկացնել արտահերթ նախագահական ընտրություններ26 հուլիսի 2011 - 13:40 AMT PanARMENIAN.Net - Երկրում ներքաղաքական ճգնաժամի հաղթահարմանն ուղղված՝ Հայ ազգային կոնգրես - իշխանություններ երկխոսության օրակարգում «Հայաստանում լեգիտիմ իշխանության շուտափույթ ձեւավորման նպատակով արտահերթ նախագահական եւ խորհրդարանական ընտրությունների անցկացման եւ դրանց ազատության, արդարության եւ օրինականության ապահովման անհրաժեշտ միջոցառումների» քննարկման առաջարկով է հանդես եկել ՀԱԿ-ը հուլիսի 26-ի հանդիպմանը: Նկարագրելով ստեղծված քաղաքական և սոցիալ-տնտեսական ճգնաժամը՝ ՀԱԿ-ն առաջարկում է իր լուծումները՝ միակ միջոցը համարելով «Հայաստանում լեգիտիմ, ժողովրդի կողմից ընտրված եւ նրա կողմից վերահսկվող իշխանության ձեւավորումը, որը կվերադարձնի հավատը պետական իշխանության ինստիտուտների նկատմամբ։ Ելնելով վերոնշյալից, որպես քաղաքական եւ սոցիալ-տնտեսական ճգնաժամի հաղթահարման քայլեր՝ ՀԱԿ-ն անհրաժեշտ է համարում. հոկտեմբերի կեսերին անցկացնել արտահերթ նախագահական ընտրություններ, անմիջապես հետո, սահմանված ժամկետում, անցկացնել արտահերթ խորհրդարանական ընտրություններ: Առաջարկվում է նաև նախապես ընդունել ընտրությունների օրինականության ապահովման ՀԱԿ-ի առաջարկած փաթեթը: ՀԱԿ-ը հիշեցնում է 19.07.2011 թվականի իր հայտարարության մեջ արձանագրված պահանջները՝ որպես երկխոսության կողմերի հավասարության ու հասարակության լիակատար տեղեկատվություն ստանալու իրավունքի ապահովման անհրաժեշտ պայման. «Հանդիպումները կամ պետք է հեռարձակվեն ուղիղ եթերով, կամ էլ կողմերի քարոզչական հավասար հնարավորությունները ապահովելու նպատակով Կոնգրեսի պատվիրակությանը յուրաքանչյուր հանդիպումից հետո պետք է Հանրային հեռուստաընկերությամբ առնվազն կես ժամ ուղիղ եթեր տրամադրվի։ Պետք է վերացնել Հանրային հեռուստաընկերությամբ եւ մյուս հեռուստաալիքներով Հայ ազգային կոնգրեսի հանրահավաքների մասին իրազեկող նյութերի հեռարձակման արգելքը։ Պետք է դադարեցնել Կոնգրեսի հանրահավաքներից առաջ իրավապահ մարմինների կողմից բնակչության ահաբեկումը, տարաբնույթ խոչընդոտների հարուցումը, մասնավորապես հանրային եւ այլ տրանսպորտային միջոցների աշխատանքի կազմալուծումը»,-ասվում է ՀԱԿ հաղորդագրության մեջ։ Սրանով ՀԱԿ-ը համարում է իր առաջարկները ձեւակերպված եւ առաջարկում է այն դարձնել օրակարգի քննարկման առարկա։ Ուշագրավ Այլ մանրամասներ չեն ներկայացվում «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Ամենաընթերցվողը բաժնում | Օսթին. ԱՄՆ-ն չի կարող ենթադրություններ անել Ռայիսիի ուղղաթիռի կործանման պատճառների մասին Աշխարհի 8 երկրում սուգ է հայտարարվել Ռայիսիի մահվան կապակցությամբ Ֆասթ Բանկի աջակցությամբ վերանորոգվել են «Բոհեմ» թատրոնի ենթակառուցվածքները «Բոհեմ» թատրոնը գործում է 2016 թվականի սեպտեմբերից «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել |