  «Արաքսը» Սպահանի հայոց թեմին «խորհուրդ է տալիս» չլռել Սբ. Ամենափրկիչ վանքից թալանված սրբապատկերների մասին 3 օգոստոսի 2011 - 15:48 AMT PanARMENIAN.Net - Թեհրանի «Արաքս» շաբաթաթերթը Սպահանի ՀԹ Թեմական խորհրդին զգուշացնում է, որ ձեռնամուխ է լինելու Նոր Ջուղայի Սբ. Ամենափրկիչ վանքի թանգարանից թալանված սրբապատկերների գործի հետ կապված նոր բացահայտումներ կատարելուն: «Մենք կրկին անգամ զգաստության ենք հրավիրում Սպահանի ՀԹ Թեմական խորհրդին, որ ստաձնի իր պատասխանատվությունը կատարվածի նկատմամբ, իսկ, հակառակ դեպքում, եթե շարունակի այս անընդունելի ձգձգումն ու անարդարանալի լռությունը, որը համազոր է կատարվածի քողարկման հետ, հարկադրված ձեռնամուխ ենք լինելու կատարված խայտառակության նկատմամբ նոր բացահայտումներ կատարելու, որից հետո Սպահանի ՀԹ Թեմական խորհրդի անդամների ներկայի լռության նկատմամբ հասարակությունը կտա իր վերջնական գնահատականը»,- գրում է թերթը: «Արաքսը» բարձրացնում է հետևյալ հարցերը. «Քանի՞ թանգարանային նմուշ է թալանվել վանքից, որից մի քանի նմուշները միայն հայտնվել են անգլիական աճուրդում և արդյո՞ք իրավապահ մարմինները տեղյակ են պահվել թալանի մասին, իսկ եթե ոչ, ինչո՞ւ»: Ավելի վաղ «Արաքս» շաբաթաթերթը հայտնել էր, որ հուլիսի 9-ին Սպահանի հայոց թեմի թեմական խորհուրդը ուշացումով հանդես էր եկել պաշտոնական հաղորդագրությամբ, որտեղ ասվում էր, որ թեմը տեղյակ է Անգլիայում աճուրդի դրված Սբ. Ամենափրկիչ վանքի թանգարանի ձեռագրերից առանձին մանրանկարչության էջերի մասին: Թերթը, մասնավորապես, մեջբերել էր խորհուրդի անդամների խոսքերը. «Առ այդ` հարցը խորհրդապահական ձևով հետապնդում էինք` հանցագործին ի հայտ բերելու, գործընթացը չվնասելու նպատակով, և ներկա փուլում ստուգվում են հանգամանքները` ձեռագրի էջերը վերադարձնելու նպատակով»։ Նրանք նաև դիմել էին հայերին, որպեսզի անհիմն մեկնաբանություններից խուսափեն և վստահ լինեն, որ Սպահանի հայոց թեմի ազգային մարմինները առաջնորդ սրբազան հոր գլխավորությամբ նախանձախնդիր են և այս հարցը հետապնդելու են մինչև բարվոք լուծում։ «Ավելացնենք նաև, որ վերոնշյալ հաղորդագրության հեղինակները աշխատել են հանցագործին «խորհրդապահական ձևով» հետապնդելու անհիմն բացատրությամբ արդարացնել իրենց` Սպահանի հայոց թեմի թեմական խորհրդի երկար և անհասկանալի լռությունը և, ինչու չէ, նաև մեղսակցությունն այս գործում», - գրում էր թերթը:   Ուշագրավ «Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում   Ամենաընթերցվողը բաժնում |  Վերջին լուրեր Սիմոնյանը Ժնևում քննարկումներ է ունեցել Կանադայի սենատի նախագահի և Քաթարի խորհրդարանի փոխխոսնակի հետ  Քննարկվել են մի շարք փոխադարձ հետաքրքրություն ներկայացնող հարցերՄիրզոյանը Նիդերլանդների ԱԳ նախարարի հետ հանդիպմանն անդրադարձել է տարածաշրջանային հարցերի Միրզոյանը շեշտել է Ալմաթիի հռչակագրի հիման վրա սահմանազատման հստակության ապահովման կարևորությունըՄիրզոյանը ԵԽ մարդու իրավունքների հանձնակատարի հետ հանդիպամնն անդրադարձել է Բաքվում պահվող հայերի ազատ արձակման խնդրին Անդրադարձ է կատարվել նաև հումանիտար բնույթի հարցերիՃամփորդություն տելեկոմի անցյալով և ապագայով. Վերաբացվել է Կապի թանգարանը Թանգարանում առաջին շրջայցն անցկացրել է ընկերության գլխավոր տնօրեն Հայկ Եսայանը |
