Տիգրան Քոչարյան. Ադրբեջանական հասարակությունը հիվանդ է հայատյացությամբ 5 օգոստոսի 2011 - 16:18 AMT PanARMENIAN.Net - Հայատյացությունը միավորող գործոն է դարձել ադրբեջանական հասարակության մեջ, Երևանում կայացած մամլո ասուլիսում հայտնել է «Գիտակների հայկական ասոցիացիայի» նախագահ Տիգրան Քոչարյանը: «Ցավոք, նման երևույթ դիտվում է ադրբեջանական հասարակության նաև այն հատվածում, որը կարելի է մտավորական անվանել»,- նշել է նա: Քոչարյանի խոսքով, ադրբեջանական հասարակությունը հիվանդ է, «եթե արդեն մտավորականներն են սովորական կենցաղային ազգայնականության անցել»: Մեկնաբանելով վերջերս Բաթումում տեղի ունեցած Ինտելեկտուալ խաղերի Հարավային Կովկասի 13-րդ առաջնության ժամանակ տեղ գտած սկանդալը` նա նշել է, որ «մենք գալիս ենք խաղալու, իսկ նրանք գալիս են իրենց բարդույթները, իրենց խնդիրները լուծելու»: Նա նկատել է, որ ադրբեջանցիներն այնպես են տոնում իրենց հաղթանակները, կարծես Ստեփանակերտ կամ Շուշի են մտել: «Դա արդեն ծիծաղելի է: Սա խաղ է: Հաղթեցիր խաղում` կեցցես: Մենք ինքներս կմոտենանք և կշնորհավորենք քեզ»,- ասել է Քոչարյանը: Ինչ վերաբերում է շապիկների հետ կապված սկանդալին, ապա Քոչարյանը հումորով նկատել է, որ «կարելի է ասել, որ «շապիկային» պատերազմում հայկական կողմը ոչինչ չզիջեց: Մենք մեր շապիկներով խաղացինք, իսկ նրանք` ոչ»: «Գիտակների հայկական ասոցիացիայի» նախագահն առանձնակի նշել է այդ հարցում պետության, մասնավորապես` ԱԳՆ աջակցությունը: Տիգրան Քոչարյանը նշել է նաև, որ Ադրբեջանը այժմ բավական մեծ միջոցներ է ներդնում «Ի՞նչ, ո՞րտեղ, ե՞րբ»-ի մեջ, ինչի վկայությունն ադրբեջանցի գիտակների ներկայացուցչությունն է Գիտակների էլիտար ակումբում: «Նրանց պետության համար թիվ 1 նպատակը ռուսական հասարակության մեջ ադրբեջանցիների մասին պատկերացման փոփոխությունն է: Որպեսզի, կոպիտ ասած, կանաչի վաճառողի կերպարից անցնեն էլիտարին: Եվ այդ հարցում նրանք լուրջ հաջողությունների են հասել»,- հայտնել է «Գիտակների հայկական ասոցիացիայի» նախագահը: Հուլիսի 29-31-ը Բաթումում (Վրաստան) տեղի ունեցած Ինտելեկտուալ խաղերի Հարավային Կովկասի 13-րդ առաջնությունն ավարտվեց սկանդալով: Ադրբեջանական պատվիրակությունը, տեսնելով, որ հայկական թիմերից մեկի («ԴԱՖ») շապիկների վրա պատկերված է նրանց հովանավոր «Արցախ-Ալկո» ընկերության գովազդը, առաջնության առաջին իսկ օրվանից սկսեցին բողոքներով դիմել կազմակերպիչներին՝ պահանջելով արգելել հայկական թիմին ելույթ ունենալ այդ շապիկներով: Մինչդեռ, «ԴԱՖ»-ը ազատ ելույթ է ունեցել այդ նույն շապիկներով նախորդ աշնանն Իսրայելում կայացած աշխարհի առաջնությունում և այն ժամանակ նման պահանջներ չեն եղել»: Երբ կազմակերպիչներն առաջարկեցին պատվիրակություններին քաղաքականությամբ չզբաղվել և շարունակել խաղը, ադրբեջանական պատվիրակյութան մի մասը հայտնի գիտակ Բալաշ Կասումովի գլխավորությամբ հուլիսի 31-ին դուրս եկան «բրեյն-ռինգի» սադրիչ շապիկներով, որոնց վրա գրառում կար. «Հայաստանի Հանրապետության տարածքը Ադրբեջանին պատկանելու մասին՝ Էրիվանի խանություն»: Հայկական պատվիրակության բողոքի և կազմակերպիչների հետ տևական բանակցությունների արդյունքում կազմակերպիչները ստիպված էին չեղյալ հայտարարել «բռեյն-ռինգը»: Բացի դրանից, հայկական պատվիրակությունը` ի դեմս 14 թիմերի կապիտանների, որոնք մասնակցում էին առաջնությանը, միաձայն որոշեց լքել առաջնությունը:
Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Evocabank-ը` Career City Fest 2K24-ին Հաղթողները 10-ն էին, որոնք նվեր են ստացել գրքեր ԱԺ-ն չի ընդունել սահմանազատման վերաբերյալ ընդդիմության նախագիծը ՔՊ-ական Մարիա Կարապետյանը հայտարարել է, որ Հայաստանի տարածքից ոչ մի միլիմետր չի զիջվում որևէ մեկին ՀՀ-ն և Սաուդյան Արաբիան քննարկել եմ տնտեսական և աշխատաշուկայի հարաբերությունների զարգացումը Անդրադարձ է կատարվել երկկողմ համագործակցության հեռանկարներին Դիվանագետների համահայկական խորհուրդ․ Արտաքին քաղաքական ռազմավարության սկզբունքային փոփոխություն է պետք Նշվում է, որ սահմանազատման և սահմանագծման գործընթացը պետք է բխի միջազգային իրավունքի հիմնարար սկզբունքներից |