Ամերիաբանկը տարեսկզբի համեմատ իր սպասարկած քարտերի քանակն ավելացրել է 58.6 տոկոսով

9 օգոստոսի 2011 - 21:21 AMT

PanARMENIAN.Net - Ամերիաբանկ ՓԲԸ-ն զգալիորեն ընդլայնել է սպասարկվող քարտերի քանակը` հասցնելով այն 22,6 հազարի: Ինչպես հաղորդում է Բանկի մամլո ծառայությունը, 2011թ. հուլիսի 31-ի դրությամբ քարտերի քանակի աճը տարեսկզբի համեմատ կազմել է 58.6 տոկոս: Հաղորդագրության մեջ նշվում է, որ բանկն ակտիվ գործունեություն է ծավալել Բանկի վճարային քարտերի զարգացման և դրանցով կատարվող գործարքների բարելավման ու կատարելագործման ուղղությամբ: Նշվում է, որ քարտերի սպասարակումն առավել արդյունավետ և համակողմանի դարձնելու նպատակով Բանկը մեծ ներդրումներ է կատարում բանկոմատների ցանցի ակտիվ ընդլայնման ուղղությամբ: Ներկայումս Երևան քաղաքում տեղադրված են ArCa, VISA, VISA Electron և MasterCard վճարային քարտեր սպասարկող 59 բանկոմատ, Հայաստանի մարզերում` 15, Լեռնային Ղարաբաղի Հանրապետությունում`2: Հաղորդվում է նաև, որ այս տարվա հուլիսի 31-ի դրությամբ Ամերիաբանկի քարտերով կանխիկ գործարքների ընդհանուր ծավալը դրամային արտահայտությամբ նախորդ տարվա նույն ժամանակահատվածի նկատմամբ աճել է 59.9 տոկոսով, իսկ կատարված գործարքների քանակը գրեթե կրկնապատկվել է` աճելով 92.5 տոկոսով: Տարեսկզբից մինչև հուլիսի 31-ը Բանկի քարտերով իրականացված կանխիկ և անկանխիկ գործարքների ծավալը կազմում է ավելի քան 26 մլրդ ՀՀ դրամ, որի 25.4 տոկոսը կազմում են անկանխիկ գործարքները:

Բացի դրանից, Բանկն ակտիվ գործունեություն է ծավալում նաև առևտրի և սպասարկման կետերում POS տերմինալների տեղադրման ուղղությամբ: Հուլիսի 31-ի դրությամբ Բանկի POS տերմինալների թիվը կազմում է 474, որը տարեսկզբի նկատմամբ աճել է մոտ 146 տոկոսով:

Ամերիաբանկը հոգ տանելով նաև իր քարտապանների առավել հարմարավետ և արտոնյալ սպասարկման մասին, Բանկի քարտերի միջոցով զեղչեր տրամադրող առևտրի և սպասարկման կետերի թիվը հասցրել է շուրջ 200-ի, իսկ զեղչերի մեծությունը` մինչև 40 տոկոս:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով