Ամերիաբանկի «Կասկադ» մասնաճյուղը օգոստոսի 10-ին իր հաճախորդներին ներկայացավ վերանորոգված, նոր կահավորմամբ և հագեցած ժամանակակից պահանջներին համապատասխան բանկային տեխնիկայով:
Դեղատան 6 հասցեում տեղակայված Ամերիաբանկի վերաբացված մասնաճյուղում ստեղծված են բոլոր պայմանները, հաճախորդների սպասարկումն առավել բարձր մակարդակով և արագ իրականացնելու համար:
Բանկը շարունակաբար կատարելագործում է ինչպես իր կողմից մատուցվող ծառայությունները և դրանց որակը, այնպես էլ իր հաճախորդների սպասարկման պայմանները:
Բանկն ակտիվ գործունեություն է ծավալում իր մասնաճյուղերի ցանցի ընդլայման ուղղությամբ, որի նպատակն է առավել մոտ լինել իր հաճախորդներին և ապահովել ունիվերսալ սպասարկում: Ներկայումս Բանկի մասնաճյուղերի թիվը 7-ն է, որոնցից 4-ը գտնվում են Երևան քաղաքում, 2-ը` ՀՀ մարզերում, իսկ 1-ը` ԼՂՀ-ում: Մինչև տարեվերջ Բանկն իր մասնաճյուղերի թիվը նախատեսում է հասցնել 10-ի:
