Երիտասարդության միջազգային օրն ամբողջ աշխարհում առաջին անգամ նշվել է 1999թ. օգոստոսի 12-ին` ՄԱԿ-ի Գլխավոր ասամբլեայի որոշմամբ: Վերջինս շեշտում է այն կարևորությունը, որ ՄԱԿ-ի անդամ պետությունները տալիս են երիտասարդության հիմնահարցերին` ներառելով դրանք ազգային, տարածաշրջանային և համաշխարհային հարցերի օրակարգ: Երիտասարդության միջազգային օրվան նվիրված ՄԱԿ-ի հայաստանյան գրասենյակում բացվել է նկարիչ Նարեկ Ավետիսյանի ցուցահանդեսը: Արվեստի գործերի ցուցադրումը նպատակ ունի խթանել այն երիտասարդների ուժերը, ովքեր կարող են փոխել աշխարհը: Ցուցահանդեսը միտված է ընդգծելու hանրապետության ջանքերը երիտասարդության հարցերի լուծման ուղղությամբ, համախմբել երիտասարդներին:
«ՄԱԿ-ի հայաստանյան գրասենյակը հայկական արվեստի միջոցով ցանկանում է գրավել հասարակության ուշադրությունը, խթանել երիտասարդության հզորացումը: Մեր գործընկերների հետ միասին շարունակում ենք դրդել երիտասարդ ուժերին ներդրում ունենալ հայ հասարակության քաղաքական, տնտեսական, մշակութային կյանքի զարգացման գործում »,- ասել է ՄԱԿ-ի մշտական համակարգողի պաշտոնակատար Մարիա Դոցենկոն:
Միջոցառումը կազմակերպվել է ՄԱԿ-ի հանրային տեղեկատվության վարչության երևանյան գրասենյակի և մշակույթի նախարարության արվեստի և ժողովրդական արհեստների վարչության կողմից:
