Վրաստանն ու Հայաստանը մտադիր են համագործակցել ներդրումների խրախուսման և պաշտպանության ոլորտում: Ինչպես հաղորդում է «Բիզնես Գրուզիան», այդ մասին համաձայնագիրը ստորագրվել է այսօր երկու երկրների ներկայացուցիչների կողմից:
Ինչպես պարզաբանում են Վրաստանի Էկոնոմիկայի և կայուն զարգացման նախարարությունում, այժմ, ստորագրված փաստաթղթի համաձայն, յուրաքանչյուր կողմը պարտավոր է խրախուսել և բարենպաստ պայմաններ ստեղծել իր տարածքում մյուս երկրի ներդրումների համար:
Եթե ցանկացած կողմի ներդրող կորուստներ կրի ռազմական, զինված հակամարտության, հեղաշրջման, դավադրության, տարերային աղետի, վթարի կամ այլ պատճառով, նրան այսպես կոչված «բարենպաստության» հատուկ ռեժիմ կտրամադրվի:
Ստորագրված փաստաթղթի գործողության ժամկետը կազմում է տաս տարի: