Ռուսաստանի առաջարկները կարող են հիմք ծառայել Իրանի միջուկային ծրագրի վերաբերյալ «վեցյակի» հետ բանակցությունների վերսկսման համար, որ կասեցվել են հունվարին, հաղորդում է ՌԲԿ գործակալությունը: Համապատասխան հայտարարություն է արել Իրանի Ազգային անվտանգության խորհրդի քարտուղար Սաիդ Ջալիլին Թեհրանում ՌԴ ԱԽ քարտուղար Նիկոլայ Պատրուշևի հետ բանակցություններից հետո, հաղորդում է IRIB գործակալությունը:

«Ռուսական կողմի առաջարկները հող են ստեղծում «խաղաղ ատոմի» զարգացման ոլորտում 5+1 ձևաչափով հանուն դրական տարածաշրջանային ու միջազգային փոխգործակցության երկխոսության ռազմավարության իրագործման համար»,-ասել է Ջալիլին:

ՌԴ ԱԳՆ-ում այսօր հայտարարել են, որ Մոսկվան ու Թեհրանը մտադիր են քննարկել Իրանի միջուկային խնդիրը երկու երկրների ԱԳՆ ղեկավարների մակարդակով: