Հայաստանում գերության մեջ գտնվող ադրբեջանական բանակի կրտսեր ենթասպա Ռոման Հուսեյնովը նամակ է փոխանցել ընտանիքին: Այդ մասին PanARMENIAN.Net-ի թղթակցին են հայտնել Կարմիր խաչի տեղական ներկայացուցչության մամլո ծառայությունում: «Նրան է փոխանցվել իր ընտանիքի նամակը, իսկ պատասխան նամակը կհանձնվի ընտանիքին»,-ասել է մամլո ծառայության աշխատակիցը:

Կրտսեր ենթասպա Ռոման Հուսեյնովը գերեվարվել է 2010թ. օգոստոսի 27-ին: Օգոստոսի 27-ին 21:00-ին ղարաբաղա-ադրբեջանական զքրքերի շփման գծում Ռոման Նովրուզ օղլու Հուսեյնովը հանձնվել է ղարաբաղցի սահմանապահներին: Հուսեյնովը, որը պայմանագրային զինծառայող է, հանձնվել է ղարաբաղյան ուժերին իր զորամասի հրամանատարության կողմից ստորացումների պատճառով: