Հայաստանի տրանսպորտի և կապի նախարար Մանուկ Վարդանյանը օգոստոսի 19-ին ընդունել է Վանաձոր-Ֆիոլետովո երկաթգծի կառուցման նախագծային աշխատանքներն իրականացնող «Սիբգիպրոտրանս» և «Հարավկովկասյան երկաթուղիներ» ընկերությունների ներկայացուցիչներին: Ինչպես հաղորդում է ՀՀ ՏԿՆ մամլո ծառայությունը, հանդիպման ընթացում ռուսական ընկերության պատվիրակները մանրամասն նեկայացրել են Վանաձոր-Ֆիոլետովո երկաթգծի կառուցման հինգ տարբերակներից ընտրված նախագիծը, որի ընդունումից հետո կսկսվեն տեխնիկատնտեսական հիմնավորման ուսումնասիրության աշխատանքները: Տրանսպորտի նախարարն իր հերթին ընկերության ներկայացուցիչներին հանձնարարել է տասնօրյա ժամկետում ներկայացնել ընտրված տարբերակի հիմնավորումները: