Հայաստանն ընդլայնում է համագործակցությունը չինական Գուանդուն նահանգի հետ22 օգոստոսի 2011 - 19:24 AMT PanARMENIAN.Net - Աշխատանքային այցով Չինաստանի Ժողովրդական Հանրապետությունում գտնվող Հայաստանի փոխվարչապետ, տարածքային կառավարման նախարար Արմեն Գևորգյանն օգոստոսի 22-ին հանդիպեց Գուանդունի փոխնահանգապետ Սյաո Չժիհենի հետ: Փոխվարչապետը նախ շնորհակալություն հայտնեց ուսանողական մարզական համաշխարհային 26-րդ խաղերը բարձր մակարդակով անցկացնելու համար` նշելով, որ այս խաղերի ընթացքում Հայաստանը նվաճել է առաջին ոսկե մեդալը: Ինչպես հաղորդում է ՀՀ ՏԿ նախարարության հասարակայնության հետ կապերի բաժինը, զրուցակիցները քննարկեցին Հայաստանի և Գուանդուն նահանգի միջև համագործակցության հնարավորություններին և ուղղություններին վերաբերող հարցեր: Սյաո Չժիհենը նշեց, որ Գուանդուն նահանգը հետաքրքրված է Հայաստանի հետ հարաբերությունների զարգացմամբ, և փոխշահավետ ծրագրերի իրականացման պատրաստակամություն հայտնեց: Նահանգում մտադիր են զարգացնել զբոսաշրջությունը, և փոխգործակցության համար հեռանկարային համարվեցին ինչպես այդ, այնպես էլ գյուղատնտեսության ոլորտները: Անդրադարձ եղավ նաև գյուղատնտեսության ոլորտի վերամշակող ձեռնարկությունների արտադրանքի` Հայաստանից Գուանդուն արտահանման հարցերին: Հանդիպմանն առանձին քննարկվեց Հայաստանում իրականացվող ծրագրերին Գուանդունի ընկերությունների մասնակցության հարցը` հաշվի առնելով, որ նահանգում գործում են տեխնոլոգիական և մեքենաշինական խոշոր ընկերություններ: Խոսվեց նաև ՀՀ մարզերի և Գուանդունի միջև ապակենտրոնացված մակարդակով համագործակցության հաստատման մասին: ԱրմենԳևորգյանը նշեց, որ Հայաստանը շահագրգռված է տարածաշրջանների միջև ուղիղ շփումների հաստատմամբ և փոխնահանգապետին հրավիրեց Հայաստան` հնարավորություններին տեղում ծանոթանալու համար: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |