Ընդդիմադիր Հայ ազգային կոնգրեսը սեպտեմբերի ընթացքում իշխանություններից պատասխան է սպասելու արտահերթ ընտրություններ անցկացնելու պահանջի վերաբերյալ: Այդ մասին Երևանում մամլո ասուլիսում հաղորդել է ՀԱԿ համակարգող Լևոն Զուրաբյանը, որը լրագրողներին հիշեցրել է ՀԱԿ առաջնորդ Լևոն Տեր-Պետրոսյանի հայտարարությունը օգոստոսի 2-ի ցույցի ժամանակ: Նա նշել է, որ դրանից հետո ՀԱԿ-ը կունենա միայն մեկ պահանջ. նախագահ Սերժ Սարգսյանի անհապաղ հրաժարականը: «Մենք դեռ ժամանակ ունենք հարցերը երկխոսության օգնությամբ լուծելու համար»,- ասել է Զուրաբյանը:
Մեկնաբանելով քաղաքական երկխոսության գործընթացում ստեղծված իրավիճակը` Զուրաբյանը հումորով նշել է, որ այն հիշեցնում է շախմատի խաղ, երբ մրցակիցներից մեկը (իշխանություն) սեղանի տակից ոտքով հարվածում է մյուսին: «Մենք չենք պատրաստվում նման շախմատ խաղալ»,- ասել է նա:
