  WikiLeaks. Թուրքիան վերահսկում է արտերկրի ԶԼՄ-ները, որպեսզի բացառի Հայոց ցեղասպանության մասին հաղորդումներ 31 օգոստոսի 2011 - 16:54 AMT PanARMENIAN.Net - WikiLeaks կայքը հրապարակել է գաղտնի փաստաթղթերի հերթակն փաթեթը, այդ թվում` Թուրքիայում ԱՄՆ նախկին դեսպան Ռոսս Ուիլսոնի 2007թ. ապրիլի 20-ի հեռագիրը «Թուրքիան մտահոգված է «Ալ-Հուրրա» հեռուստաալիքով Հայոց ցեղասպանության մասին ծրագրով» խորագրով: Ինչպես նշվում է փաստաթղթում, Թուրքիայի ԱԳՆ առընթեր անվտանգության հարցերի բաժնի պետի տեղակալ Շաքիր Թորունլարը ապրիլի 18-ին ինստրուկցիայի համաձայն իր մոտ է կանչել դեսպանատան աշխատակիցներին, որպեսզի Թուրքիայի ԱԳՆ մտահոգությունը հայտնի Ցեղասպանության մասին հաղորդմամբ, որը, նրանց տեղեկությունների համաձայն, պետք է ցուցադրվեր իրաքյան «Ալ-Հուրրա» հեռուստաալիքով: «Թորունլարն ասել է, որ եթե դա կոմերցիոն ալիք լիներ գովազդատուներով, ապա ծրագրի հեռարձակումը հասկանալի կլիներ, սակայն «Ալ-Հուրրա»-ն ֆինանսավորվում է կոնգրեսի կողմից, որից հետո նշել է, որ ֆիլմի ցուցադրությունն ընտրվել է անհամապատասխան ժամանակ անհամապատասխան լսարանի համար»,- նշվում է փաստաթղթում: Բացի դրանից, Պետքարտուղարության աշխատակիցը դեսպանի հետ հանդիպմանը նշել է, որ եթե նման բան հայտնվեր նաև թուրքական ԶԼՄ-ներում, ապա դա բացասական արդյունք կունենար: Դեսպանատան աշխատակիցները հաղորդել են, որ Վաշինգտոնում թուրքական լոբբին կապ ունի ծրագրի նախաձեռնողների հետ, որպեսզի այն «պատշաճ կերպով» ներկայացվի: «Սակայն մենք ընդգծել ենք, որ այդ ամենը պետք է այնպես ներկայացվի, որպեսզի թվա, թե դա հեռուստաալիքի նախաձեռնությունն է եղել, այլ ոչ թե դեսպանատան կամ Պետքարտուղարության: Մենք մատնանշել ենք նաև, որ մամուլում խոսքի ազատության խնդիր կա` նշելով, որ նման խնդիրները շարունակվելու են այնքան ժամանակ, մինչև Թուրքիան և Հայաստանը որոշակի քայլեր ձեռնարկեն հարաբերությունների կարգավորման ուղղությամբ»,- նշում է նա: Իր մեկնաբանություններում Ուիլսոնը նկատել է, որ Թուրքիայի ԱԳՆ ուշադրությունը ծրագրի մանրամասների հանդեպ խոսում է այն մասին, որ այդ երկրում դեռևս ցավով են վերաբերվում այդ հարցին: «Դա այն պրիզմաներից է, որի միջով նրանք նայում են աշխարհին, և այդպես շարունակվելու է այնքան ժամանակ, մինչև այդ խնդիրը լուծվի»,- ընդգծում է նա:   Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում   |  Սյուժե Վերջին լուրեր Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են  Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվելԿիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նաՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |
