Դևիդ Քեմերոն. Անկախ հանձնաժողովը կստուգի ՄԻ-6-ի և Լիբիայի հատուկ ծառայությունների համագործակցության փաստը 6 սեպտեմբերի 2011 - 11:21 AMT PanARMENIAN.Net - Մեծ Բրիտանիայի վարչապետ Դևիդ Քեմերոնը հատարարել է, որ հարկավոր է անկախ հետաքննություն վարել, պարզելու համար, թե արդյոք իսկապես ՄԻ-6-ը մարդկանց հանձնել է Լիբիայի հատուկ ծառայություններին, գրում է «Գազետա.ռու-ն»: «Մենք դիմել ենք թոշակի դուրս եկած դատավոր սըր Պիտեր Գիբսոնին՝ խնդրելով քննել ահաբեկչության մեջ կասկածվող անձանց ձերբակալման ու նրանց հետ վարվելու փաստերը: Ես ցանկանում եմ ոչ միայն մաքրել Մեծ Բրիտանիայի հեղինակությունը, այլ նաև պարզաբանել մեղադրանքների հետ կապված հարցերը»,-ասել է Քեմերոնը: Անկախ հանձնաժողովը Պիտեր Գիբսոնի ղեկավարությամբ ստեղծվել է 2010թ. հուլիսին, անկախ հետաքննության օգտին է արտահայտվել նաև ընդդիմադիր Լեյբորիստական կուսակցության առաջնորդ Էդ Միլիբենդը: Human Rights Watch իրավապաշտպան կազմակերպությունը հայտնել է Տրիպոլիի լքված շենքերից մեկում ԿՀՎ, ՄԻ-6-ի ու Լիբիայի Արտաքին անվտանգության վարչության նամակագրությունը: Փաստաթղթերից պարզ է դառնում, որ Աբդուլհակիմ Բելհաջը, որն այժմ գլխավորում է ընդդիմության ուժերը Տրիպոլիում, 2004թ. ձերբակալվել է Բանգկոկի օդանավակայանում ԱՄՆ հատուկ ծառայությունների իրազեկման շնորհիվ և առանց որևէ ձևականության ուղարկվել է Լիբիա, որտեղ ենթարկվել է խոշտանգումների: «Դրա համար հարկավոր է ներողություն խնդրել»,-ասել է Բելհաջը: ԶԼՄ-ներում տեղեկություններ են հայտնվել այն մասին, որ ՄԻ-6-ը, ԿՀՎ-ն և Գերմանիայի հատուկ ծառայությունները կապված էին Քադդաֆիի ռեժիմի հետ: Լիբիայի ԱԳ նախկին նախարարը հայտարարել է, որ ՄԻ-6-ը համագործակցել է Քադդաֆիի հետ կես տարի առաջ: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Երևանում ոստիկանական մեքենան հարվածել է ակցիա լուսաբանող լրագրողին Ըստ որոշ տեղեկությունների, նա ոտքի վնասվածք է ստացել, ԲԿ–ում է Պատել. ԱՄՆ-ն շարունակում է հավատալ, որ ՀՀ և Ադրբեջանի միջև խաղաղությունը հնարավոր է Նա նաև հավելել է, որ Ալմաթիում տեղի ունեցած բանակցությունների վերաբերյալ այլ թարմացումներ չունի Արմավիրի Դողս բնակավայրում շչակ է գործարկվելու Բնակիչներին խնդրում են չանհանգստանալ Երևանում բողոքի ակցիաները վերսկսվել են․ 38 բերման ենթարկված կա Աբովյան փողոցում ոստիկանությունն ուժ է կիրառել և բերման ենթարկել ցույցի մասնակիցներին |