Yahoo-ի գլխավոր տնօրեն Քերոլ Բարթսին հեռացրել են աշխատանքից։ Yahoo-ն ասել է, թե Բարթսին ժամանակավորապես կփոխարինի ֆինանսների գլխավոր տնօրեն Թիմոթի Մորսը։ Այս մասին հաղորդում է USA Today-ը։Քերոլ Բարթսն իր աշխատանքից ազատվելու մասին լուրը հայտնել է իր աշխատակիցներին iPad-ից։ Նա գրել էր. «Ցավով տեղեկացնում եմ, որ հենց նոր ես ազատվել եմ աշխատանքից Yahoo-ի նախագագների խորհրդի կողմից։ Ինձ համար հաճելի էր ձեզ հետ աշխատել»։

Այն մասին լուրերը, թե Yahoo-ն Բարթսին փոխարինող է փնտրում, ավելի վաղ արդեն տարածվել էին Սիլիկոնյան հովտում։ Այդ ժամանակ Yahoo-ի ներկայացուցիչները ժխտել էին լուրերի իսկությունը։

Քերոլ Բարթսը 63 տարեկան է, նա միացել է Yahoo-ին 2009-ին։

Նրա ազատման մասին լուրը զարմանալի չէր, հաշվի առնելով Yahoo-ի պայքարները։ Այս քայլով, կարելի է ասել, Yahoo-ն կրճատեց իր ծախսերը և Microsoft-ի հետ համագործակցույթան որոնման ուղիները։ ComScore մարքեթինգային ինտերնետ հետազոտությունների ընկերության տվյալներով՝ ԱՄՆ-ում Yahoo-ի շուկան անցած դեկտեմբերից կազմում է 16%։

Սակայն վերջերս, հունիսի ավարտին Yahoo-ի նախագահների խորհուրդը հայտնել էր իր վստահությունը Բարթսին։ Չնայած այս փաստին, հանդիպումների ժամանակ հաճախակի վիճահարույց հարցեր էին լինում։

Բարթսն ասել է, որ Yahoo-ն մեծ քայլեր է ձեռնարկել՝ իր 680 միլիոն օգտագործողների համար որպես թվային մեդիա ընկերությունների առաջատար հանդես գալու համար։ Yahoo-ն ֆինանսապես աճել է և դրսևորել է իրեն որպես նորությունների, սպորտի, ժամանցի և ֆինանսների լավագույն օնլայն աղբյուր։