  Հովիկ Աբրահամյանն ու Ֆիլիպ Լեֆորը քննարկել են ԵՎՐԱՆԵՍԹ խորհրդարանական վեհաժողովը 7 սեպտեմբերի 2011 - 18:11 AMT PanARMENIAN.Net - Սեպտեմբերի 7-ին ՀՀ Ազգային ժողովի նախագահ Հովիկ Աբրահամյանն ընդունեց Հարավային Կովկասում ու Վրաստանի ճգնաժամի հարցերով ԵՄ նորանշանակ հատուկ ներկայացուցիչ Ֆիլիպ Լեֆորին: Ողջունելով հյուրին` Ազգային ժողովի նախագահը շնորհավորեց նրան նշանակման կապակցությամբ եւ համոզմունք հայտնեց, որ նրա` տարբեր պաշտոններում ձեռք բերված դիվանագիտական փորձը կնպաստի ԵՄ-Հայաստան համագործակցության զարգացմանն ու տարածաշրջանային հակամարտությունների կարգավորմանը: Հովիկ Աբրահամյանը բարձր գնահատեց Հայաստան -Եվրամիություն հարաբերությունները եւ կարեւորեց դրանց հետագա զարգացումը: Նա նշեց, որ Եվրոպական Միության հետ համագործակցությունը Հայաստանի արտաքին քաղաքականության գերակայություններից է, որը վերջին տարիներին ակտիվորեն զարգանում է, ինչի վկայությունն են նաեւ բարձր մակարդակի փոխայցելությունները: Ֆիլիպ Լեֆորը շնորհակալություն հայտնեց ՀՀ Ազգային ժողովում հյուրընկալվելու համար եւ կարեւոր համարեց իր պաշտոնավարելու ընթացքում ակտիվ մասնակցությունը տարածաշրջանային խնդիրների լուծմանը: Զրուցակիցներն ընդգծեցին խորհրդարանների կարեւոր դերը այդ գործընթացներում: Անդրադարձ կատարվեց նաեւ ԵՎՐԱՆԵՍԹ խորհրդարանական վեհաժողովին: ԱԺ նախագահը նշեց, որ Հայաստանի Ազգային ժողովն առաջիններից է ողջունել ԵՎՐԱՆԵՍԹ-ի գաղափարը եւ այն շատ կարեւոր ձեւաչափ է տարածաշրջանում խաղաղություն ապահովելու համար, բայց այդ կառույցը չպետք է դառնա տարածաշրջանային հակամարտություններ քննարկող մարմին: Հանդիպման ընթացքում քննարկվեցին այլ հարցեր եւս:   Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը   Ամենաընթերցվողը բաժնում |  Վերջին լուրեր ՄԻՊ աշխատակազմը մայիսի 9-ին արտակարգ ռեժիմով է աշխատելու  Նշվել է, որ անթույլատրելի է որևէ պարագայում ոստիկանության ծառայողների կողմից անհամաչափ ուժի գործադրումըԱդրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար»Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերովՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |
