«Բանակն իրականում» քաղաքացիական նախաձեռնության բողոքի ակցիայի մասնակիցները, որոնք առավոտյան բողոքում էին ՀՀ կառավարության շենքի մոտ, հավաքվել էին նախագահի նստավայրի մոտ:
Երթի ժամանակ ակցիայի մասնակիցները կոչ էին անում անցորդներին անտարբեր չանցնել և միանալ ակցիային: Հելսինկյան ասամբլեայի Վանաձորի գրասենյակի ղեկավար Արթուր Սաքունցն ասաց, որ նման ակցիաները շարունակական են լինելու: «Մենք պահանջում ենք կոնկրետ երաշխիքներ և գործողություններ կասեցնելու համար սպանությունները բանակում և չենք ցանկանում սահմանափակվել պնդումներով, թե նման միջադեպերը նվազել են»,-հայտարարել է նա: Ըստ նրա, բանակը պետք է թափանցիկ լինի հանրության համար: «Մենք չենք խնդրում, որ բացահայտվեն ռազմական գաղտնիքներ, սակայն, հանրությունը պետք է իմանա, թե ինչէ կատարվում բանակում»,-ասել է Սաքունցը: Նա հայտնել է, որ 2007-2010թթ. բանակում զոհվել է 282 մարդ, որոնցից միայն 28-ն են զոհվել Ադրբեջանի կողմից հրադադարի խախտման պատճառով:
Ոստիկանության 10 աշխատակիցներ դժվարությամբ էին վերահսկում բողոքող ծնորղների ամբոխը: Նրանք շղթա էին կազմել և չէին թույլ տալիս, որ մարդիկ մոտենան նստավայրին: Ամբոխը վանկարկում էր՝ «մարդասպաններ, մարդասպաններ..» և ձգտում էր մոտենալ շենքին:
Այժմ ակցիայի մասնակիցները երթով շարժվում են հետ՝ դեպի կառավարության շենքը: