Սեպտեմբերի 10-ին առավոտյան «Օռանժ թենիս» ակումբում տեղի կունենան President Cup միջազգային մրցաշարի եզրափակիչ անհատական խաղերը, ինչից հետո տեղի կունենա մրցաշարի փակման արարողությունը:

Եզրափակչում կմրցեն ` Գալյամով Միխայիլ (Ռուսաստան) - Խմիադաշվիլի Միխեյիլ (Վրաստան ), Պլոսկինա Հելեն (Ուկրաինա) – Նիֆյոդովա Անաստասիա (Ռուսաստան) զույգերը: Արդեն պարզ են մրցաշարի զուգախաղերի հաղթողների անունները` Սալբիեվ Տիմուռ (Ռուսաստան)/ Խառալիլով Իգոր (Ռուսաստան), Սուջիաշվիլի Նինո(Վրաստան)/Մաջաիձե Բաբիլինա (Վրաստան) :

Ինչպես հայտնի է դարձել PanARMENIAN.Net-ի թղթակցին, Միջազգային թենիսի ֆեդերացիայի ֆիզիկական պատրաստվածության (ազգությամբ իսպանացի) մասնագետը եռօրյա այցով այստեղ է, որպեսզի տեսական-գործնական դասընթացներ անցկացնի Հայաստանի թենիսի ֆեդերացիայի մարզիչների և մարզիկների համար: