Ելույթ ունենալով Ադրբեջանի հետ սահմանակից Պարսաբադ քաղաքում՝ Իրանի նախագահ Մահմուդ Ահմադինեժադը նշել է, որ Իրանի ու Ադրբեջանի հարաբերությունների վրա ոչինչ չի կարող ազդել:
Ինչպես հաղորդում է «Թրենդ» գործակալությունը, նա նաև նշել է, որ Իրանը Ադրբեջանի համար եղբայրական պետություն է և սատարում է նրա անկախությանը:
«Մենք շահագրգռված ենք զարգացնել հարաբերությունները Ադրբեջանի հետ սահմանակից շրջաններում և ընդլայնելու գործունեությունը բոլոր սահմանակետերում»,-ասել է Իրանի նախագահը:
Ադրբեջանում ժամանակ առ ժամանակ Իրանի դեմ ուղղված պիկետներ են անցկացվում: Բողոքների վերջին ալիքը անցել է սեպտեմբերին, երբ ընդդիմադիր Ազգային անկախության կուսակցությունը պիկետ կազմակերպեց Իրանի դեսպանատան շենքի առջև: Կուսակցության անդամները բողոք էին հայտնում ադրբեջանցիների դեմ Իրանի քաղաքականության վերաբերյալ:
