HSBC Բանկ Հայաստանին բաժին է ընկնում առևտրի ֆինանսավորման շուկայի 40 տոկոսը 19 սեպտեմբերի 2011 - 16:06 AMT PanARMENIAN.Net - Էյչ-Էս-Բի-Սի Բանկ Հայաստանին բաժին է ընկնում առևտրի ֆինանսավորման շուկայի 40 տոկոսը, ինչը բարձր ցուցանիշ է` հաշվի առնելով Հայաստանի տարածքում 22 առևտրային բանկերի առկայությունը: Այդ մասին սեպտեմբերի 19-ին Երևանում մամլո ասուլիսում հաղորդել է «Էյչ-Էս-Բի-Սի Բանկ Հայաստան»-ի գլխավոր գործադիր տնօրեն Աստրիդ Քլիֆորդը: Նրա խոսքով, հայ ձեռնարկատերերի համար բանկը միջազգային մասնագետների մասնակցությամբ կազմակերպում է սեմինարներ, «քանի որ այդ ծառայությունները հնարավորություն են տալիս թե բանկին, թե հաճախորդներին նվազեցնել ռիսկերը»: Նա նշել է, որ hայաստանյան երեք ընկերություններ` «ԱՈՒՄ»-ը, «Բյուրակն»-ը և «Մանանա Գրեյն»-ը արժանացել են «Պատվո ժապավեն»-ի (Ruban d’Honneur)` «Էյչ-Էս-Բի-Սի» Խմբի կողմից հովանավորվող Եվրոպական բիզնես մրցանակաբաշխության «Նախագահի ընտրություն» անվանակարգում: Հայաստանյան բիզնես սերուցքը ներկայացնող այս երեք ընկերությունները եվրոպական 100 լավագույն և առավել դինամիկ զարգացող բիզնեսների շարքում այժմ հնարավորություն են ստացել պայքարել մրցանակաբաշխության եզրափակիչ փուլում` տասը անվանակարգերից մեկում հաղթող ճանաչվելու համար: «Պատվո Ժապավեն»-ի բոլոր մրցանակակիրները հրավիրված են ներկա գտնվել նոյեմբերի 22-ին Բարսելոնայում, Թագավոր Խուան Կառլոս Հյուրանոցում կայանալիք Եվրոպական բիզնես մրցանակաբաշխության գալա ընդունելությանը: «Էյչ-Էս-Բի-Սի Բանկ Հայաստան»-ի մամլո ծառայության փոխանցմամբ, - «Չափազանց ուրախ ենք, որ հայաստանյան ընկերությունների համար հնարավորություն ստեղծեցինք ներկայացնել Հայաստանը և հանդես գալ սեփական հաջողություններով եվրոպական հանրության առջև: Եթե նախորդ տարի մեր կողմից Եվրոպական բիզնես մրցանակաբաշխությանը ներկայացված ընկերությունների թիվը չէր գերազանցում մեկ տասնյակը, ապա այս տարի արդեն միջազգային բիզնեսում ներգրավված լինելու ցանկություն հայտնած ընկերությունների թիվը հասավ 40-ի»: Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |