  Հարցում. Երևանի բնակիչները խոստովանել են, որ վաղուց քաղաքում նման տոնական մթնոլորտ չէին տեսել   19 սեպտեմբերի 2011 - 19:55 AMTPanARMENIAN.Net - Սեպտեմբերի 21-ին Երևանում` Հանրապետության հրապարակում կկայանա մեծ ռազմական շքերթ` նվիրված Հայաստանի անկախության հռչակման 20-ամյակին: Ինչպես ցույց է տվել PanARMENIAN.Net ի թղթակցի անցկացրած հարցումը, Երևանի բնակիչների մեծամասնությանն ուրախացնում է տոնական միջոցառումների անցկացումը: Նրանք խոստովանել են, որ «վաղուց քաղաքն այսքան մարդաշատ և ուրախ չէր եղել»: Երևանցիների միակ դժգոհությունը կապված է զորահանդեսի անցկացման առնչությամբ սեպտեմբերի 17-ին և 19-ին փակ փողոցների պատճառով առաջացած խցանումների հետ: Բայց միևնույն ժամանակ հարցվածները նշել են, որ անգամ աշխարհի ամենախոշոր քաղաքներում շքերթների ժամանակ անհնար է ձեռնպահ մնալ փողոցները փակելուց: Բնականաբար, գտնվել են մարդիկ, որոնք այնքան էլ ուրախ չեն ո'չ առաջիկա զորահանդեսի, ո'չ էլ, առհասարակ, տոնական միջոցառումների կապակցությամբ: Իրենց դիրքորոշումը նրանք հիմնավորվել են նրանով, որ «այսօրվա ծանր սոցիալական պայմաններում շքերթն ու այլ միջոցառումներն անպետք ավելորդություն են»: Բայց, ընդհանուր առմամբ, նման գաղափարի հետևորդները քիչ են: Հայտնի են դարձել սեպտեմբերի 21-ին Անկախության 20-ամյակի կապակցությամբ Երևանում կայանալիք զորահանդեսի որոշ անակնկալներ: Առաջինը կլինի «Կռունկ» հայկական արտադրության անօդաչու սարքերի ցուցադրությունը: Բացի այդ, զորահանդեսին կմասնակցեն «Սմերչ» համազարկային ռեակտիվ համակարգեր, ինչպես նաև առանձին շարասյուներով ռուսական բանակի ու Արցախի ՊԲ զինծառայողներ: Զորահանդեսին կմասնակցեն նաև բանակում ծառայող հայ եկեղեցու սպասավորները: Սեպտեմբերի 17-ին զորահանդեսի փորձի ժամանակ հայտնի դարձավ, որ ռազմական շքերթի ժամանակ կցուցադրվեն նաև C-300 զենիթահրթիռային համալիրները, ինչպես նաև ծանր թրթուրավոր տեխնիկան, որը հրապարակ կտեղափովի բարձր արագության անվավոր կցասարքերով:  Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Հավաքի նպատակն է քննարկել ու բարձրաձայնել Արցախի ժողովրդի առաջարկներն ու պահանջները   Ամենաընթերցվողը բաժնում |  Սյուժե Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
