Գերմանիան շահագրգռված է շարունակել ինտեգրացիոն գործընթացները հարավկովկասյան երկրների հետ: Այդ մասին Երևանում կայացած մամլո ասուլիսում հայտարարել է Հայաստանում Գերմանիայի դեսպան Հանս Յոհան Շմիդտը:
Դեսպանն անդրադարձել է Վարշավայում կայանալիք Արևելյան գործընկերության երկրների գագաթաժողվոին՝ հույս հայտնելով, որ կհաջողվի համաձայնության հասնել մուտքի արտոնագրերի ռեժիմի պարզեցման հարցում: «Եզրափակիչ կոմյունիկեում անպայման կլինի դրույթ այդ մասին»,-ասել է դեսպանը:
Բացի այդ, մեկնաբանելով եվրաինտեգրման գործընթացը, Շմիդտն առանձնացրել է նաև մարդկանց ազատ տեղաշարժի հարցը: «Դրա համար Հարավային Կովկասի երկրները պետք է լուծեն փակ սահմանների հարցը»,-ասել է Շմիդտը: Նա անդրադարձել է նաև հայ-թուրքական սահմանին՝ նշելով, որ դա սառը պատերազմի հետևանք է, որը պետք է վերացնել:
Արևելյան գործընկերության երկրների գագաթաժողովը տեղի կունենա սեպտեմբերի 29-30 Վարշավայում: Գագաթաժողովի ժամանակ կկազմակերպվի ոչ պաշտոնական ընթրիք, երկու ընդլայնված նիստ, կստորագրվի հռչակագիր:
