Գերմանիան ավանդաբար լավ տնտեսական հարաբերություններ է ունեցել Հայաստանի հետ և ձգտում է ընդլայնել համագործակցության ոլորտները: Այդ մասին Երևանում կայացած մամլո ասուլիսում հայտարարել է ՀՀ-ում Գերմանիայի դեսպան Հանս Յոհան Շմիդտը:
Դեսպանն անդրադարձել է որոշ խնդիրների, այդպես, ըստ Շմիդտի, հայկական իշխանությունները պետք է ակտիվացնեն բարեփոխումները հարկային ու իրավական ոլորտներում: «Մեզ մտահոգում են արտագաղթի տեմպերը: Բարեփոխելով հարկային համակարգն ու լավ աշխատանքային պայմաններ ստեղծելով, իշխանությունները կկարողանան նվազեցնել արտագաղթողների թիվը»,-ասել է նա:
Դեսպանը նաև ընդգծել է, որ կարևոր է փոխել մոտեցումը իրավական համակարգին, այն է, իշխանության ստանձնած պարտավորությունների կատարմանը: «ԶԼՄ-ները պետք է իշխանություններին վերահսկող մարմնի դեր կատարեն»:
Հանս Յոհան Շմիդտը նշել է, որ երկրի հասարակական կյանքում ԶԼՄ-ների դերակատարության բարձրացման նպատակով Գերմանիայի դեսպանատունը մտադիր է սեմինարներ ու դասընթացներ կազմակերպել ԶԼՄ-ների ներկայացուցիչների համար:
