Սոչիում 2014 թվականի Օլիմպիական և պարալիմպիկ խաղերի խորհրդանշաններով հուշանվերային արտադրանքը մանրածախ վաճառքի է հանվել, հաղորդել է «Սոչի 2014»-ի կազմկոմիտեի նախագահ Դմիտրի Չեռնիշենկոն:
Նրա խոսքով, լիցենզիոն արտադրանքի տասնվեց կարգերում արդեն որոշվել են լիցենզառու արտադրողները:
«Նրանք արդեն ակտիվորեն սկսել են հուշանվերային արտադրանքի թողարկումը, այն արդեն տաղավարներում է»,- Չեռնիշենկոյի խոսքն է մեջբերում ria.ru-ն:
Մանրածախ վաճառքում արդեն սկսել են հայտնվել հուշադրամները, թղթե հուշանվերային արտադրանքը և հուշանվերների այլ տեսակներ: «Այս ամենն արդեն շուկայում է հայտնվում, այնպես որ շատ շուտով մենք կբավարարենք այդ ոլորտում առկա պահանջարկը»,- շարունակել է «Սոչի 2014»-ի կազմկոմիտեի նախագահը` հավելելով, որ մինչև ընթացիկ տարվա վերջ խանութներում կհայտնվեն նաև Սոչիում խաղերի թալիսման-խաղալիքները:
