Հայաստանի փոխվարչապետ, տարածքային կառավարման նախարար Արմեն Գևորգյանի մոտ այսօր մարզպետների մասնակցությամբ հերթական խորհրդակցությանը քննարկվել են մարզերի առաջնահերթ խնդիրների լուծման երկրորդ ծրագրին առնչվող հարցեր: Փոխվարչապետը մարզպետներին հանձնարարել է առաջիկա օրերի ընթացքում ամփոփել և ՏԿ նախարարություն ներկայացնել առաջարկությունները` երկրորդ ծրագրում ընդգրկելու համար:
ՏԿՆ-ից հայտնում են, որ փոխվարչապետը նաև հորդորել է ուշադրության կենտրոնում պահել առաջին ծրագրի ընթացքը, հետևել շինարարական աշխատանքների որակին և ժամանակացույցին: Ծրագրով նախատեսված աշխատանքները կավարտվեն մինչև հոկտեմբերի վերջը:
Անդրադարձ է եղել հոկտեմբերին անցկացվելիք մարդահամարի նախապատրաստական աշխատանքների ընթացքին: Մարզպետները վստահեցրել են, որ արդեն իրականացված են անհրաժեշտ աշխատանքները գործընթացը պատշաճ մակարդակով իրականացնելու համար: