Մուամար Քադդաֆին «Ալ Լիբիա» հեռուստաալիքի կայքում հրապարակել է իր հերթական ուղերձը, որտեղ հաստատել է, որ նախկինի պես Լիբիայում է գտնվում և հայտարարել է, որ պատրաստ է նահատակվելու:
Քադդաֆին «հերոսներ է անվանել այն լիբիացիներին, ովքեր սխրանքներ են գործում ու զոհվում» Ագային անցումային խորհրդի զինված ուժերի դեմ պայքարում:
Մասնավորապես, նա դիմել է իր կոմղնակիցներին վարֆալա ցեղից, որն արդեն մի քանի ամսի է, ինչ պաշտպանում է Բանի Վարիդ քաղաքը, հայտարարելով՝ «Նրանք ստում են՝ ասելով, թե ես գտնվում եմ Վենեսուելայում,կամ Նիգերում: Իմացեք, որ ես Լիբիայի հողի վրա եմ, ես իմ ժողովրդի հետ եմ»:
Ինչպես հաղորդում է ԻՏԱՐ-ՏԱՍՍ-ը, Քադդաֆին խոստացել է նաև, որ առաջիկա օրերին «գործակալների ավազակախմբին», որին նա դասում է Ագային անցումային խորհրդի ներկայացուցիչներին ու կողմնակիցներին, անակնկալներ են սպասում:
