Սան Պաուլոյում «Մեծ սաղավարտ» շարքի եզրափակիչ առաջնության 3-րդ մրցափուլը հայ գրոսմայստեր Լևոն Արոնյանի համար ավարտվեց ոչ ոքիով: Արոնյանի հակառակորդը Հիկարու Նակամուրան էր (ԱՄՆ): Այս հանդիպումից հետո նա 5 միավոր է հավաքել և իջել երկրորդ տեղը: Հաղթելով Վիշվանաթան Անանդին (Հնդկաստան)` Վասիլի Իվանչուկը (Ուկրաինա) 7 միավորով բարձրացել է առաջին տեղը: Ֆրանսիսկո Վալյեհո Պոնսը (Իսպանիա) պարտության է մատնել Մագնուս Կարլսենին (Նորվեգիա):

Սեպտեմբերի 29-ին շախմատիստները կհանգստանան, իսկ սեպտեմբերի 30-ին` 4-րդ մրցափուլում, Արոնյանը իր ուժերը կչափի Իվանչուկի, Վալյեհո Պոնսը` Անանդի, իսկ Կարսլենը` Նակամուրայի հետ:

Շախմատիստները երկուական շրջան են խաղում: Առաջնության երկրորդ մասը կկայանա իսպանական Բիլբաո քաղաքում և կավարտվի հոկտեմբերի 11-ին: