Սանկտ-Պետերբուրգում ՀՀ անկախության 20-ամյակի պատվին ընդունելություն կայացավ

Սանկտ-Պետերբուրգում ՀՀ անկախության 20-ամյակի պատվին ընդունելություն կայացավ

PanARMENIAN.Net - Սեպտեմբերի 28-ին Ռուսաստանի հյուսիսային մայրաքաղաք Սանկտ-Պետերբուրգի «Տավրիչեսկի» պալատի Եկատերինենսկի սրահում կայացավ ՀՀ գլխավոր հյուպատոսության ընդունելությունը` նվիրված Հայաստանի Հանրապետության անկախության 20-րդ տարեդարձին:

Միջոցառմանը ներկա էին Սանկտ-Պետերբուրգի և Լենինգրադի մարզերի կառավարությունների պաշտոնյաներ, Սանկտ-Պետերբուրգում հավատարմագրված օտարերկրյա դիվանագետներ, ՌԴ և ՀՀ բարձրաստիճան սպաներ, հոգևորականներ, ինչպես նաև հայ համայնքի ներկայացուցիչներ:

Ընդունելությանը ողջույնի խոսքով հանդես է եկել Սանկտ-Պետերբուրգում ՀՀ գլխավոր հյուպատոս Վարդան Հակոբյանը, ով ներկայացրել է Հայաստանի 20 տարիների ձեռքբերումներն ու նվաճումները:

Իր ելույթում Սանկտ-Պետերբուրգի փոխնահանգապետ Ռոման Ֆիլիմոնովը հյուրերին է փոխանցել Սանկտ-Պետերբուրգի Նահանգապետ Գ. Պոլտավչենկոյի և Սանկտ-Պետերբուրգում և Լենինգրադի մարզում ՌԴ ՆԳՆ պետ գեներալ Մ. Սուխոդոլսկու շնորհավորական ուղերձները:

ՀՀ անկախության 20-րդ տարեդարձի կապակցությամբ ՀՀ մշակույթի, Սփյուռքի և Կրթության ոսկե մեդալներով պարգևատրվեցին Սանկտ-Պետերբուրգի ռուս գիտնականներ:

 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել