Սլովենիայի Ռոգաշկա Սլատինա քաղաքում շարունակվում է Շախմատի Եվրոպայի ակումբային առաջնությունը:

Սեպտեմբերի 30-ին կայացել են 6-րդ տուրի հանդիպումները: «Միկայի» տղամարդկանց ակումբը հաղթել է «Ugra» թիմին 4:2 հաշվով: Հայկական ակումբի կազմում հաղթել են Զավեն Անդրիասյանը և Ռոբերտ Հովհաննիսյանը, իսկ Գաբրիել Սարգսյանը, Տիգրան Պետրոսյանը, Հրանտ Մելքումայնն ու Արման Փաշիկյանը ոչ ոքի են խաղացել:

Հաղթանակից հեոտ «Միկան» 25,5 միավորով 6-րդ տեղում է, իսկ 7-րդ տուրում հանդիպելու է «Saint-Petersburg Chess Federation»-ի հետ, որտեղ հանդես է գալիս Հայաստանի հավաքականի անդամ Սերգեյ Մովսիսյանը:

«Միկա» կանանց ակումբը պարտվել է «AVS»-ին 1:3 հաշվով: Էլինա Դանիելյանն ու Ժու Չենը պարտվել են, իսկ Լիլիթ Մկրտչյանն ու Հարիկա Դրոնավալին ոչ ոքի են խաղացել: «Միկան» 15 միավորով նահանջել է երրորդ տեղը: Առաջատարն է «AVS»-ը 16 միավորով, 7-րոդ տուրում հայկական թիմը կխաղա «BAS»-ի հետ, որը 12,5 միավորով 6-րդ տեղում է: