Գերմանական Նոյբրանդենբուրգում հոկտեմբերի 1-ին տեղի կունենա IBF Inter-Continental վարկածով չեմպիոն, հայազգի Կարո Մուրադի և իսպանացի Գաբրիել Կամպիլոյի մենամարտը:
Դա ռևանշ հանդիպում կլինի, բռնցքամարտիկներն առաջին անգամ հանդիպել են 2008թ., այն ժամանակ միավորներով հաղթանակ տոնեց հայ բռնցքամարտիկը:
Մենամարտը տեղի կունենա բռնցքամարտի երեկոյի շրջանակներում, որի գլխավոր մենամարտում առաջին ծանր քաշային կարգում աշխարհի չեմպիոն Սթիվ Քաննինգեմը (ԱՄՆ) կպաշտպանի IBF տիտղոսը իր ակումբակից՝ 26-ամյա կուբացի Յոհան Պաբլո Էրնանդեսի հետ մենամարտում: