Իրանը կտրականապես դեմ է ՄԱԿ-ին անդամակցելու վերաբերյալ Պաղեստինի հայտի ներկայացմանը 2 հոկտեմբերի 2011 - 16:46 AMT PanARMENIAN.Net - Իրանը «կտրականապես դեմ է» ՄԱԿ-ին անդամակցելու վերաբերյալ Պաղեստինի հայտի ներկայացմանը: Համապատասխան հայտարարությամբ հանդես է եկել Իրանի հոգևոր առաջնորդ այաթոլլահ Ալի Համենեին: Նա հավելել է, որ Պաղեստինի բաժանումը ենթադրող ցանկացած պլան մերժվելու է Իսլամական Հանրապետության կողմից, հաղորդում է Reuters-ը: Իրանի հոգևոր առաջնորդը հանդես է եկել երկու պետությունների ստեղծման ճանապարհով մերձավորարևելյան հակամարտության լուծման դեմ, որովհետև «ողջ հողը պատկանում է պաղեստինցիներին»: Իսրայելի գոյության ճանաչումը նման կլինի «քաղցկեղի ուռուցքի», որը կավերի փխրուն խաղաղությունը տարածաշրջանում, հայտնել է Համենեին: Պաղեստինի ինքնավարության ղեկավար Մահմուդ Աբբասը սեպտեմբերի 23-ին Նյու Յորքում ՄԱԿ-ի Գլխավոր վեհաժողովի նստաշրջանում ՄԱԿ-ի գլխավոր քարտուղար Պան Գի Մունին հանձնեց Պաղեստինի անկախությունը 1967թ. սահմաններում ճանաչելու հայտը: Աբբասը համոզմունք է հայտնել, որ հայտի դիտարկման համար կպահանջվի մի քանի շաբաթից ոչ ավել: Պաղեստինը հույս ունի ՄԱԿ-ի դրական որոշման օգնությամբ վերսկսել բանակցություններն Իսրայելի հետ: Հավանության արժանանալու համար Պաղեստինի անկախության վերաբերյալ բանաձևի օգտին պետք է քվեարկեն Անվտանգության խորհրդի ինը անդամներ՝ հինգ մշտական անդամների (Մեծ Բրիտանիայի, Չինաստանի, Ռուսաստանի, ԱՄՆ-ի և Ֆրանսիայի) վետոյի բացակայության դեպքում: Ռուսաստանը խոստացել է օժանդակել ՄԱԿ-ում ճանաչման հասնելու՝ Պաղեստինի ձգտումը: Մինչդեռ ԱՄՆ-ը մնում է իր կարծիքին. ամերիկյան կողմը մտադիր է վետո դնել հայտի վրա: Ինչպես հայտնել է Բարաք Օբաման, ԱՄՆ-ը վետո կդնի բանաձևի վրա, որը կարող է Պաղեստինին թույլ տալ դառնալ լիարժեք պետություն: Բացատրելով իր որոշումը՝ ամերիկյան նախագահը նշել է, որ Իսրայելը շրջապատված է այնպիսի հարևաններով, որոնք բազմիցս պատերազմ են սկսել նրա դեմ, ուստի կողմերը պետք է նախ և առաջ բանակցությունների միջոցով կարգավորեն իրենց տարաձայնությունները: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից Բալայան․ ՀՀ-ԵՄ հարաբերությունները հիմնված են հայկական ազգային շահերի վրա Նա հավելել է, որ դա սպառնալիք չէ Մոսկվայի համար Կիրանցի ղեկավարը՝ Փաշինյանի հետ Երևանում հանդիպելու առաջարկի մասին. Դեռ չենք որոշել Վարչապետի աշխատակազմից ասել են, որ տեղեկություն չունեն Ղազախստանի ԱԳՆ․ Միջնորդության մասին խոսք չկա՝ բանակցելու են բացառապես ՀՀ-ն ու Ադրբեջանը «Մենք լոկ բարի կամքի ծառայություն ենք տրամադրում՝ այսպես կոչված good offices»,– ասել է նա |