Եևանում գերմանացի 13 արվեստագետներ կներկայացնեն իրենց գեղանկարչական աշխատանքները 4 հոկտեմբերի 2011 - 18:43 AMT PanARMENIAN.Net - 2011թ. հոկտեմբերի 5-ին Խնկո Ապոր անվան մանկական գրադարանում կայանալու է է «Ժամանակակից մանկական գրքի նկարազարդումը Գերմանիայում» ցուցադրությունը, որն անցկացվում է Գյոթեի անվան ինստիտուտի հետ միասին: Ցուցահանդեսը շարունակվելու է մինչև հոկտեմբերի 28-ը: Գյոթեի անվան ինստիտուտի և Թրոյսդորֆի` Նկարազարդ գրքերի թանգարանի համագործակցության արդյունքում մշակված ցուցադրությունը 13 ներկայացուցչական հարթություններով հնարավորություն է տալիս ծանոթանալու մանկական գրքեր նկարազարդող գերմանացի նշանավոր արվեստագետներին: Միջազգային ճանաչում վայելող դասականների կողքին ներկայացվելու են նաև ավելի երիտասարդ արվեստագետներ, ում գործերն արտացոլում են գերմանական գրքանկարազարդման արդի միտումները: Ցուցադրությանը ներկայացված են լինելու արվեստագետներ Յուտտա Բաուերը, Ռոթռաութ Սուզաննե Բերները, Նադիա Բուդդեն, Կլաուս Էնզիկատը, Վոլֆ Էլբրուխը, Յակի Գլայխը, Նիկոլաուս Հայդելբախը, Սիբիլլե Հայնը, Յանոշը, Կարոլինե Քեհրը, Աքսել Շեֆլերը, Ֆիլիպ Վեխթերը և Կատյա Վեհները: 13 մասնակից արվեստագետներին առաջարկվել է հնգական նկարազարդում ընտրել իրենց նկարազարդած գրքերից մեկից և իրենց ընտրությունը հիմնավորել փոքրիկ կարծիքով: Այս ճանապարհով ցուցադրությունը հնարավություն է ստեղծում արվեստագետի հետ անձնական և անմիջական շփման համար: Ցուցադրությունը ներկայացնում է մանկական գրքի գերմանական նկարազարդման բարձր որակն ու ակնառու բազմազանությունը: Ջրաներկից մինչև կոլլաժ և թվային փորձարարություններ. այստեղ ի մի բերված այս նկարազարդումները ներկայացնում են արդի գրքի նկարազարդման մի լայն լուսապատկեր: Ցուցադրությունն ուղեկցվում է գրաֆիկական դիզայներ և նկարազարդող Ֆրանկ Գեորգիի արվեստանոցի թողարկած ալբոմով, որում ներկայացված են բոլոր արվեստագետների ցուցադրանմուշներն ու տեքստերը: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |