Հարությունյան. Բաքվի ծիծաղելի հայտարարություններն արժանի չեն ՀՀ պատվիրակության ուշադրությանը 4 հոկտեմբերի 2011 - 20:27 AMT PanARMENIAN.Net - ԵԽԽՎ-ում հայկական պատվիրակությունը բավական կառուցողական մոտեցում ունի Ղարաբաղի ենթահանձնաժողովի գործունեության և ադրբեջանական պատվիրակության հետ առկա խնդիրների լուծման հարցերին, իսկ ադրբեջանական կողմի և Վեհաժողովի նախագահ Չավուշօղլուի` հայկական պատվիրակության ապակառուցողականության վերաբերյալ բոլոր մեղադրանքներն անհիմն են: Այդ մասին PanARMENIAN.Net ի թղթակցի հետ զրույցում հայտնել է ԵԽԽՎ-ում Հայաստանի պատվիրակության ղեկավար Դավիթ Հարությունյանը: «Կառուցողականությունը խոսքերում չի կայանում, դա գործողությունների կարգ է»,- հայտնել է նա: Ընդ որում, Հարությունյանը հավելել է, որ հայկական պատվիրակությունն ադրբեջանցիների և, առավել ևս, ԵԽԽՎ նախագահի հետ հարաբերություններում խնդիր չունի: «Մենք խնդիր չունենք առանձին անձանց հետ, ինչպես, օրինակ, Մևլուդ Չավուշօղլուի»,- ասել է նա` հավելելով, որ, ցավոք, ԵԽԽՎ-ն առանձնապես կարևոր խաղացող չէ միջազգային հարթակում: Սակայն, դրա հետ մեկտեղ, Հարությունյանը համաձայնել է այն կարծիքի հետ, որ ադրբեջանական կողմի և ԵԽԽՎ նախագահի միջև բանավոր համաձայնություն կա Ղարաբաղի ենթահանձնաժողովի աշխատանքի առնչությամբ: Ենթահանձնաժողովի լսումների ժամանակ հայկական պատվիրակության բացակայությունը Հարությունյանը գնահատել է որպես նորմալ քայլ, որը բնորոշում է պատվիրակության դիրքորոշումը: Անդրադառնալով «Արցախի տարածքում թմրադեղերի շրջանառության» վերաբերյալ ադրբեջանական պատվիրակության անսպառ հայտարարություններին` հայկական պատվիրակության ղեկավարը նկատել է, որ «ադրբեջանական պատվիրակության ծիծաղելի հայտարարություններն անգամ արժանի չեն հայկական պատվիրակության ուշադրությանը»: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է ԱՆ․ Տավուշում գործընթացի վերաբերյալ կեղծ թեզեր են հնչում Դրանցից ամենատարածվածներին նախարարությունն անդրադարձել է իրավական տեսանկյունից |