Այսօր Ստաբուլում անվտանգության ուժերը ձերբակալել են մի մարդու, որը մտադիր էր ահաբեկչական գործողություն իրականացնել Ստամբուլի կենտրոնում, գրում է «Սաբահ» թերթը: Խուզարկության ժամանակ հայտնաբերվել է երկու ինքնաշեն ռումբ:

Անցած շաբաթ թուրքական անվտանգության ուժերը բերման են ենթարկել ՔԱԿ անդամների, որոնց կասկածում են այդ կուսակցությանը սատարող գործողությունների կազմակերպման մեջ:

Ավելի վաղ, սեպտեմբերի 22-ին, ՔԱԿ մարտական թևը, «Քրդստանի ազատագրման բազեներ» ծայրահեղական խմբավորումը ստանձնեց Անկարայում տեղի ունեցած պայթյունի պատասխանատվությունը, որի արդյունքում երեք մարդ զոհվեց, ևս 34-ը վիրավորվեցին:

Վերջերս Թուրքիան ակտիվացրել է պայքարը ահաբեկչության դեմ: Թուրքիայի ՌՕՈւ-ն հարվածներ է հասնցնում Իրաքի հյուսիսում գտնվող քուրդ անջատողականների դիրքերին: Ավիահարվածները վերսկսվեցին օգոստոսի 17-ին Թուրքիայի հարավ-արևելքում գրոհայինների ձեռնարկած հարձակումից հետո, որի արդյունքում 9 թուրք զինվորական է սպանվել: Դա Թուրքիայի առաջին հարվածներն էին Իրաքի հյուսիսում ավելի քան մեկ տարվա ընթացքում:

Թուրքիայի հակամարտությունը ՔԱԿ-ի հետ, որը պայքարում է անկախ Քրդստանի ստեղծման համար, շարունակվում է արդեն 25 տարի, այն խլել է շուրջ 40 հազար կյանք: ՔԱԿ-ն ահաբեկչական կազմակերպություն է ճանաչվել ՄԱԿ-ի ու Եվրամիության կողմից, որին Անկարան ձգտում է անդամակցել որպես լիիրավ անդամ: