Թբիլիսիում բացվեցին «Հայարտուն» կրթամշակութային կենտրոնի սրահները
Հոկտեմբերի 8-ին Թբիլիսիում տեղի ունեցավ Վիրահայոց թեմի «Հայարտուն» կրթամշակութային կենտրոնի սրահների բացման հանդիսավոր արարողությունը:
Միջոցառմանը ներկա էին Վրաստանում Հայաստանի դեսպան Հովհաննես Մանուկյանը, Վրաստանի նախագահի խորհրդական Վան Բայբուրդը, «Հայարտուն» կենտրոնի կառուցման հովանավոր, գործարար Բորիս Սահակովը, «Ջինիշյան հիշատակի» հիմնադրամի Հայաստանի գրասենյակի պատասխանատու Արմեն Հակոբյանը, ՀԲԸՄ-ն Վիրտուալ Համալսարանի ներկայացուցիչ Դալար Կազանջյանը, Վրաստանում գործող արվեստի, գրականության և թատերական գործիչներ, Թբիլիսիի հայ համայնքի ներկայացուցիչներ:
Արարողությանը շնորհավորանքի և ողջույնի խոսքով հանդես է եկել Վրաստանում ՀՀ դեսպան Հովհաննես Մանուկյանը:
