Ջերմուկում խորհրդակցություն է տեղի ունեցել մարզպետների մասնակցությամբ10 հոկտեմբերի 2011 - 18:49 AMT PanARMENIAN.Net - Ջերմուկում այսօր մարզպետների մասնակցությամբ կայացած խորհրդակցությանը քննարկվեցին աշնանացան ցորենի սերմացուի բաշխման գործընթացի հետ կապված հարցեր: ՀՀ գյուղատնտեսության նախարարության պատասխանատուները տեղեկացրին, որ առաջին վերարտադրությունից ստացված ցորենի սերմացուի բաշխումը հանրապետության մարզերում այսօր կավարտվի, ընթացքի մեջ է էլիտար սերմացուի բաշխման գործընթացը: ՀՀ գյուղատնտեսության նախարար Սերգո Կարապետյանը մանրամասներ ներկայացրեց հոկտեմբերի 14-16-ը կայանալիք հայ ֆերմերների «Հայագրոֆորում» համաժողովի վերաբերյալ` տեղեկացնելով, որ այն անցկացվում է Հայաստանի Հանրապետության անկախության 20-ամյակի միջոցառումների շրջանակում: Կկազմակերպվի նաեւ տոնավաճառ, հանդիսավորապես կնշվի Գյուղացիական աշխատողի տոնը:ՀՀ փոխվարչապետ, տարածքային կառավարման նախարար Արմեն Գեւորգյանը մարզպետներին հորդորեց ակտիվ մասնակցություն ունենալ միջոցառումներին: Գյուղատնտեսության նախարարության պատասխանատուների մասնակցությամբ քննարկվեցին նաեւ բերքի մթերման գործընթացին վերաբերող հարցեր: Խորհրդակցությանը քննարկվեցին մարզերի առաջնահերթ խնդիրների լուծման երկրորդ ծրագրին առնչվող հարցեր: Փոխվարչապետին զեկուցվեց, որ տեղերում արդեն մեկնարկել են աշխատանքները: Ա. Գեւորգյանը հանձնարարեց ամենօրյա ուշադրության կենտրոնում պահել ծրագրի ընթացքը: Ա. Գեւորգյանը նաեւ տեղեկացրեց, որ ՀՀ օրենքի նախագծով արդեն սահմանված է համայնքներին հատկացվող դոտացիաների ծավալը, եւ համայնքները կարող են ձեռնամուխ լինել բյուջեների կազմման գործընթացին: Անդրադարձ եղավ հոկտեմբերի 12-ից հանրապետությունում մեկնարկող մարդահամարին: Մարզպետներին հանձնարարվեց ամենայն աջակցություն ցուցաբերել միջոցառման` կազմակերպված եւ պատշաճ մակարդակով անցկացմանը: Ուշագրավ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |