Հայաստանի և Ռուսաստանի դեպոզիտարիաները որոշել են համագործակցել12 հոկտեմբերի 2011 - 18:41 AMT PanARMENIAN.Net - Հոկտեմբերի 6-ին «Հայաստանի Կենտրոնական դեպոզիտարիա» (ՀԿԴ) ԲԲԸ և ռուսական «Ազգային հաշվարկային դեպոզիտարիա» (ԱՀԴ) ՓԲԸ ոչ բանկային վարկային կազմակերպության միջև կնքվել է համագործակցության պայմանագիր ՀԿԴ-ում ԱՀԴ-ի օտարերկրյա անվանատիրոջ հաշվի բացման և վարման մասին: «Դեպոզիտարիաները փոխշահավետ և հեռանկարային են համարում Եվրասիայի Կենտրոնական Դեպոզիտարիաների Ասոցիացիայի (ԵԿԴԱ) շրջանակներում իրենց համագործակցությունը և ամուր գործարար կապեր հաստատելու նպատակ ունեն»,- նշվում է Nasdax OMX Armenia-ի մամլո ծառայության հաղորդագրության մեջ: «Մեր համագործակցության արդյունքում Ազգային հաշվարկային դեպոզիտարիային իրավունք է տրվել Հայաստանի Կենտրոնական դեպոզիտարիայում բացել օտարերկրյա անվանատիրոջ արժեթղթերի հաշիվներ, ինչը թույլ կտա ռուսական դեպոզիտարիային իր հաճախորդների անունից արժեթղթեր ձեռք բերել հայկական արժեթղթերի շուկայում: Դա կարևոր քայլ է Ռուսաստանի Դաշնությունում գտնվող ներդրողների համար հայկական արժեթղթերում ներդրումներ կատարելու գործընթացի պարզեցման և ներդրումների խրախուսման գործում»,- ընդգծել է ՀԿԴ-ի տնօրեն Վահան Ստեփանյանը: ԱՀԴ-ի Խորհրդի նախագահ Էդդի Աստանինն իր հերթին հավելել է, որ ԱՀԴ-ի ռազմավարական զարգացման շրջանակներում գործառնական համագործակցությունը ԱՊՀ երկրների կերնտրոնական դեպոզիտարիաների հետ առաջնային ուղղությունն է: «Հիմք ընդունելով հաճախորդների և թողարկողների կարիքները, մենք զարգացնում ենք ԱՊՀ երկրների թողարկողներ արժեթղթերի սպասարկման ծառայությունները՝ ներառյալ գործարքների վերջնահաշվարկները և կորպորատիվ գործողությունների իրականացումը` համագործակցելով ԵԿԴԱ անդամ հանդիսացող կենտրոնական դեպոզիտարիաների հետ»,- ասել է նա:
Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը | ԱՄՆ փոխնախագահ․ Երբեք չենք մոռանա Հայոց ցեղասպանությունը Նա նշել է, որ 1․5 մլն հայ ենթարկվել է բռնագաղթի, սպանվել է և մահվան երթի զոհ դարձել Նախագիծ․ Ոստիկանությունը 24-ժամյա հասանելիություն կունենա հանրային տարածքների տեսահսկման համակարգերին Տնտեսվարող սուբյեկտները կպարտավորվեն ունենալ անընդմեջ և բարձր որակի տեսագրություն իրականացնող տեսահսկման համակարգեր Հայաստանի և Ադրբեջանի սահմանին տեղադրվել է սահմանային 20 սյուն Նշվում է, որ սյուները տեղադրվել են կոորդինատների ճշգրտման աշխատանքների շրջանակներում Ատալ․ Ֆրանսիան վերահաստատում է իր աջակցությունը ՀՀ-ին Վարչապետը ելույթ է ունեցել Հայոց ցեղասպանության 109-րդ տարելիցի կապակցությամբ անցկացված հիշատակի միջոցառմանը |