Հայտնի թավջութակահար, Չայկովսկու անվան միջազգային 14-րդ մրցույթի հաղթող Նարեկ Հախնազարյանը մասնակցելու է Բոսթոնի կամերային երաժշտության նվագախմբի 2011-2012թթ-ի համերգաշրջանի բացմանը: Նա մասնակցելու է Քեմբրիջի Sanders Theatre-ի համերգին հոկտեմբերի 16-ին: Ծրագրում ընդգրկված են Շումանի, Մոցարտի և այլ հեղինակների ստեղծագործություններ:

Նարեկ Հախնազարյանը ծնվել է 1988 թ. Երևանում: Ավարտել է Մոսկվայի պետական կոնսերվատորիան և կարճ ժամանակահատվածում դարձել միջազգային համբավ վայելող երաժիշտ: «Վաշինգթոն փոսթ» թերթը նրան անվանել է ֆենոմենալ թավջութակահար: Նարեկ Հախնազարյանը մասնակցել է բազմաթիվ միջազգային մրցույթների և ամենուր արժանացել բարձր գնահատանքի: Նա ելույթներ է ունեցել ԱՄՆ-ում՝ Լոս Անջելեսում, Բոստոնում, Նյու Յորքում, Ֆլորիդայում, ինչպես նաև Տոկիոյում, Լոնդոնում, Փարիզում, Վիեննայում, Մոսկվայում, Երեւանում եւ աշխարհի այլ մայրաքաղաքներում։ Այժմ Հախնազարյանը Փասադենայի սիմֆոնիկ նվագախմբի մենակատարն է: 2011 թ-ին նա փայլուն հաղթանակ տարավ Չայկովսկու անվան միջազգային 14-րդ մրցույթում: