Հոկտեմբերի 15-ին Արարատի մարզկենտրոն Արտաշատը նշում է հիմնադրման 2200-ամյակը: Քաղաքի տոնական միջոցառումներին ներկա են ՀՀ նախագահ Սերժ Սարգսյանը , կառավարության անդամներ, բարձրաստիճան հյուրեր, արտասահմանյան պատվիրակություններ, ինչպես նաև ԱՊՀ երկրների ներքին գործերի նախարարներ:
Քաղաքի հիմնադրմանը նվիրված տոնական հանդիսությունները մեկնարկեցին քաղաքի թատրոնամերձ հրապարակից և շարունակվեցին մարզպետարանի հարակից հրապարակում: Արտաշարտի քաղաքային զբոսայգում ներկայացրեցին Արարատի մարզի գեղարվեստական դպրոցների սաների աշխատանքները:
Քաղաքի տոնին էր նվիրված նաև «Բերքի տոն-2011», որտեղ մարզի քաղաքային և գյուղական համայնքների ներկայացուցիչները տոնի մասնակիցներին ներկայացրին իրենց աշխատանքի արդյունքները: Արարատի մարզպետ Էդիկ Բարսեղյանը, ողջունելով բոլոր հյուրերին, նշեց, որ այսօրվա արտաշատցին շատ հպարտ է, քանի որ նա քաղաքի նորօրյա պատմության կերտողն է:
Ելույթ ունեցան նաև Արտաշատի քաղաքապետ Գագիկ Մուրադյանը, Արտաշատի քույր քաղաքներ Ֆրանսիայի Քլամար քաղաքի քաղաքապետ ֆիլիպ Կալտենբախը և Հունգարիայի Բուդապեշտ քաղաքի 18-րդ թաղամասի քաղաքապետ Ուգի Աթիլլան:
Տոնակատարության ժամանակ ներկայացվեց Արտաշատ քաղաքի հիմնը , դրոշը և գերբը:
Քաղաքի տոնը նշելու նպատակով ստեղծվել է հոբելյանական հանձնաժողով մշակույթի նախարար Հասմիկ Պողոսյանի նախագահությամբ: