Կարեն Կարապետյան. Բազմաբնակարան շենքերի սեյսմակայունությունը մշտապես պետք է ուշադրության կենտրոնում լինի24 հոկտեմբերի 2011 - 22:05 AMT PanARMENIAN.Net - «Մայրաքաղաքում բազմաբնակարան շենքերի սեյսմակայունության ապահովման հետ կապված պարբերաբար պետք է ուսումնասիրություններ կատարել, գույքագրել վթարային շենքերն ու համապատասխան քայլեր ձեռնարկել շենքերի հիմքերի ամրացման աշխատանքների ուղղությամբ»,- հերթական աշխատանքային խորհրդակցության ժամանակ համապատասխան վարչությունների պատասխանատուներին հանձնարարել է Երևանի քաղաքապետ Կարեն Կարապետյանը: Հանձնարարվել է նաև շարունակել հետևողական վերահսկողությունը շինարարություն իրականացնող ընկերությունների պարտավորությունների կատարման մասով, որպեսզի ապահովվի հետիոտնի պատշաճ տեղաշարժը, շինհրապարակների հարակից տարածքներում բացառվի շինարարական աղբի կուտակումն ու բեռնատարների անհարկի կայանումը: Պարտավորությունները խախտողների հանդեպ կկիրառվեն համապատասխան միջոցառումներ: Կարեն Կարապետյանը վարչական շրջանների ղեկավարներին հանձնարարել է հետևողական լինել տնտեսվարողների կողմից պարտադիր բարեկարգման պայմանագրային պարտավորությունների կատարմանը: Մայրաքաղաքում երթևեկության կանոնակարգման և հետիոտն անցումների կառուցման ծրագրի մասով զեկուցվել է, որ հաջորդ տարի նախատեսվում են նոր վերգետնյա անցումների կառուցում և մի շարք ստորգետնյա հետիոտն անցումների վերանորոգումներ: Ֆինանսական միջոցների ներգրավման նպատակով քաղաքապետը կարևորել է ներդրողների հետ բանակցային աշխատանքների ակտիվացումը: Կրթության վարչության պետի կողմից զեկուցվել է, որ «Օգնիր դպրոցիդ» և «Օգնիր մանկապարտեզիդ» կայքերի միջոցով կատարված նվիրատվությունների չափը կազմում է մոտ 1 մլրդ 200 միլիոն դրամ: Հավաքագրված գումարով կրթօջախներում իրականացվում են վերանորգման աշխատանքներ, ձեռք է բերվում անհրաժեշտ գույք` դպրոցներն ու մանկապարտեզները ընդունված չափանիշներին համապատասխան նորոգելու և կահավորելու նպատակով: «Կարևոր է մշտապես հետադաձ կապ ապահովել դպրոցների ու մանկապարտեզների հետ և հրապարակային հաշվետվություն ներկայացնել ծախսված յուրաքանչյուր լումայի համար, որպեսզի վստահություն լինի ծրագրի նկատմամբ: Համոզված եմ, որ ֆինանսական աջակցությունների և նվիրատվությունների աճն այդ դեպքում կկարկնապատկվի»,- նշել է Կարեն Կարապետյանն ու հավելել, որ անհրաժեշտ է ձեռնարկել հավելյալ միջոցառումներ` ծրագրերը մշտական ուշադրության տակ պահելու ուղղությամբ, հաղորդում է Երևանի քաղաքապետարանի տեղեկատվության և հասարակայնության հետ կապերի վարչությունը: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |