Երևանի քաղաքապետարանի ենթակայության բոլոր մանկապարտեզները ձմռանը կջեռուցվեն24 հոկտեմբերի 2011 - 22:19 AMT PanARMENIAN.Net - Երևան քաղաքի ավագանին հոկտեմբերի 24-ին գումարված 6-րդ նստաշրջանի 2–րդ նիստում հավանության է արժանացրել Երևան քաղաքի բյուջեում փոփոխություններ կատարելու մասին որոշման նախագիծը, համաձայն որի միջոցներ են հատկացվել` Երևանի քաղաքապետարանի ենթակայության հանրակրթական դպրոցների տարրական դասարաններում շախմատ առարկայի դասավանդման հետ կապված: Ավագանու մեկ այլ որոշմամբ բյուջեից միջոցներ են հատկացվել նաև Երևանի 7 վարչական շրջաններում անասնաբուժական ծառայությունների գնման համար, ինչպես նաև տնտեսված միջոցներից գումար է հատկացվել մայրաքաղաքում աշնանային ծառատունկի համար տնկանյութի ձեռքբերման նպատակով: Երևանի ավագանին միաձայն կողմ քվեարկությամբ հավանություն է տվել Երևան քաղաքի ենթակայության «Երքաղլույս» ՓԲԸ գործադիր մարմնի լիազորությունները կառավարող կազմակերպությանը տալու մասին որոշման նախագծին: Հիմնավորելով նման որոշման անհրաժեշտությունը` քաղաքապետարանի աշխատակազմի տնտեսագիտական վերլուծության, պլանավորման և մեթոդաբանության վարչության պետ Արմեն Արշակյանը նշել է, որ ընդունված որոշումը հնարավորություն կտա մրցակցային երկխոսության ընթացակարգով «Երքաղլույս» ՓԲԸ գործադիր մարմնի լիազորությունները հանձնել այնպիսի առևտրային կազմակերպության, որը տիրապետում է գործին և ընդունակ է զարգացնել, արդիականացնել, կառավարել, պահպանել և շահագործել Երևանի քաղաքային արտաքին լուսավորության համակարգը` սպասարկման գոտում ապահովելով առավել արդյունավետություն ու շահութաբերություն: Երևանի ավագանու որոշմամբ սահմանվել է նաև մայրաքաղաքում ընտանի կենդանիների հաշվառման և պահելու կարգը, որով կանոնակարգվում են նաև կենդանիների զբոսանքի և վաճառքի պայմանները: Ավագանին քվեարկությամբ հավանության է արժանացրել նաև գույքահարկի արտոնություններ սահմանելու մասին որոշումների նախագծին: Նիստի ավարտին Նոր Նորք վարչական շրջանում անհրաժեշտ կանգառասրահ տեղադրելու հարցի վերաբերյալ նշվել է, որ բարձրացված հարցը քննարկվել է աշխատակազմի տրանսպորտի վարչությունում և կարճ ժամկետում խնդրին լուծում կտրվի: Նախադպրոցական ուսումնական հաստատությունների ջեռուցման հարցի հետ կապված` քաղաքապետարանի աշխատակազմի հանրակրթության վարչության պետը տեղեկացրել է, որ քաղաքապետարանի ենթակայության 161 դպրոցներից 149-ը ջեռուցվում է: Մանկապարտեզներից 12-ում եղել են որոշ տեխնիկական խնդիրներ, որոնք լուծման փուլում են և ձմռան շրջանում բոլոր մանկապարտեզները կջեռուցվեն, հաղորդում է Երևանի քաղաքապետարանի տեղեկատվության և հասարակայնության հետ կապերի վարչությունը: Ուշագրավ Բագրատ սրբազանը վաղ առավոտյան ուղևորվել է դեպի Կիրանց
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Ամենաընթերցվողը բաժնում | Դորտմունդի «Բորուսիան» հետաքրքրված է Սպերցյանով Սպերցյանի ներկայիս աշխատանքային պայմանագիրն ակումբի հետ նախատեսված է մինչև 2026 թվականի ամառը ՀՀ–ն Մոլդովայում մասնակցում է ՆԱՏՕ-ի Regex 2024 զորավարժությունների հերթական փուլին Զորավարժությունները, որոնց մասնակցում է ՆԱՏՕ–ի գործընկեր մոտ 30 երկիր, կտևեն մինչև մայիսի 24–ը Երևանում է ԱՄՆ ԿՀՎ ղեկավարի տեղակալը․ Նրան ընդունել է Փաշինյանը Քննարկվել են ինչպես երկկողմ, այնպես էլ միջազգային օրակարգի հարցեր ԱՆ–ն չի գրանցել Արշակ Կարապետյանի կուսակցությունը՝ օրենքի մի շարք խախտումների հիմքով Նախարարությունը պարզաբանում է տարածել |