Ընդդիմադիր Հայ ազգային կոնգրեսը (ՀԱԿ) երկրում ժողովրդավարությունը վերականգնելու համար այլ ելք չի տեսնում բացի Սերժ Սարգսյանի ռեժիմի դեմ համազգային բողոք կազմակերպելուց։ Այդ մասին Երևանում մամլո ասուլիսում հայտարարել է ՀԱԿ hամակարգող Լևոն Զուրաբյանը։ «Կոնգրեսի գլխավոր խնդիրը դառնում է քաղաքական և հասարակական ուժերի մոբիլիզացումը, Սարգսյանի ռեժիմի դեմ քաղաքական ու հասարակական ճակատի ստեղծումը, այդ ռեժիմի ներքին և արտաքին քաղաքական մեկուսացումը»,- ասել է Զուրաբյանը։
Նա հայտարարել է, որ ՀԱԿ պլանները ներկայացվելու են հոկտեմբերի 28-ին հանրահավաքի ժամանակ և կոչ արել բոլորին մասնակցել դրան։ Անդրադառնալով շուրջօրյա նստացույցերը վերականգնելու հնարավորությանը՝ Զուրաբյանը չի բացառել դա, բայց նշել է, որ անհրաժեշտ է ճիշտ հաշվարկել նման ակցիաները սկսելու ժամանակը։