  Facebook-ի աշխատակիցները Երևանում կանցկացնեն «Workshop Facebook-ից» տեսասեմինարը ԶԼՄ-ների համար 27 հոկտեմբերի 2011 - 12:09 AMT PanARMENIAN.Net - Հոկտեմբերի 31-ին «Նովոստի-Արմենիա»-ի գրասենյակում կանցկացվի «Workshop Facebook-ից» տեսասեմինար՝ նվիրված սոցիալական ցանցերում զանգվածային լրատվամիջոցների ինտեգրման հարցերին և այն հնարավորություններին, որոնք Facebook-ը բացում է մեդիա-ընկերությունների համար: Այս մասին տեղեկացնում են «Նովոստի-Արմենիա»-ից։ Զեկուցողներն են՝ Ռուսաստանում Facebook-ի պաշտոնական ներկայացուցիչ Եկատերինա Սկորոբոգատովան, Ռուսաստանում,Լեհաստանում, Կորեայում և Արևելյան Եվրոպայում Facebook-ի միջազգային զարգացման մենեջեր Անժելա Ցեն: Զեկուցողները տեղեկություններ կներկայացնեն այն մասին, թե ինչպես է Facebook-ի օգնությամբ ձևափոխվում հաղորդակցությունը մարդկանց միջև, ինչպես են մարդիկ օգտագործում մեդիա-կոնտենտը, առաջարկում այն իրենց ընկերներին և կիսում ամենատարբեր տեղեկություններն իրենց մասին։ «F8 համաժողովում մենք Facebook-ի հարթակում մի շարք կարևոր փոփոխություններ ենք ներկայացրել։ Այս սեմինարի շրջանակներում մենք կպատմենք, թե ինչը և ինչու է փոխվել, ինչպես կարող են դրա հետ աշխատել մեդիան և գործընկերները», - ասում է Անժելա Ցեն: Սեմինարը կանցկացվի ռուսերեն և անգլերեն լեզուներով։ Սեմինարն անվճար է: Տեղերը սահմանափակ են, մասնակցելու համար անհրաժեշտ է դիմել «Նովոստի-Արմենիա»-ի գրասենյակ։ Սեմինարը նաև օնլայն կհեռարձակվի «ՌԻԱ Նովոստիի» 70-ամյակին նվիրված կայքում՝ Ria.ru/ria70 և Facebook-ում «ՌԻԱ Նովոստիի» ալիքով:   Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի   Ամենաընթերցվողը բաժնում |  Վերջին լուրեր ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին»  Նամակի բովանդակությունը հայտնի չէՓաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նաՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում ենԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |
