Կառավարության առջև բողոքի պառկած ակցիա է անցնում՝ «Արյունոտ 10-ամյակ. հոկտեմբերի 27-ից մարտի 1» ցուցապաստառով
Կառավարության շենքի առջև միանձնյա բողոքի պառկած ակցիա է անցնում: Անմիջապես փողոցում պառկել է «Արյունոտ 10-ամյակ. հոկտեմբերի 27-ից մարտի 1» ցուցապաստառով ՀԱԿ կողմնակից Վարդգես Գասպարին:
Նա հրաժարվել է պարզաբանումներ տալ՝ ասելով, որ ամեն ինչ ասված է ցուցապաստառում:
Հարկ է նշել, որ կառավարության նախորդ նիստից առաջ տեղի ունեցավ մի միջադեպ, երբ բողոքողներից մեկը «սրիկա» անվանեց ոստիկանապետին: Ոստիկանները հորդորեցին նրան վիրավորանքների չանցնել, սակայն նա չանսաց հորդորներին: Արդյունքում նրան բերման ենթարկեցին ոստիկանության բաժանմունք:
