Բաքվում ստեղծել են նոր կազմակերպություն, որի նպատակն է Ադրբեջանին խցկել ՆԱՏՕ-ի և ԵՄ մեջ27 հոկտեմբերի 2011 - 19:35 AMT PanARMENIAN.Net - Հոկտեմբերի 27-ին Բաքվում հիմնադրվեց Եվրատլանտյան Խորհուրդ, որի նպատակը ՆԱՏՕ-ին և ԵՄ-ին Ադրբեջանի ինտեգրմանն աջակցելն է: «Երկրում բավականաչափ նատոյամետ, եվրոպամետ հասարակական կազմակերպություններ կան, սակայն դրանք միմյանցից զատ են գործում: Մենք այդ կազմակերպությունների ջանքերի միավորման կարիք զգացինք: Նատոյամետ և եվրոպամետ ուժերի համակարգված գործունեությունն Ադրբեջանում ավելի արդյունավետ կլինի, ուստիև մենք ստեղծեցինք մեր Խորհուրդը»,- հայտնել է նոր կազմակերպության նախագահ Սուլխադդին Ակպերը: Խորհրդում ներկայացված է 145 մարդ և 34 հասարակական կազմակերպություն: Խորհրդի կազմում կա 11 ռազմական փորձագետ, 9 քաղաքական փորձագետ, 5 տնտեսագետ, 5 վերլուծաբան, 15 լրագրող: ՀԿ-ների թիվը Խորհրդում կարող է ավելանալ, քանի որ «դռները բոլորի համար միշտ բաց են», հայտնել են հիմնադիրները: Ադրբեջանական կառավարությունը պաշտոնապես հայտարարել է միջազգային «Չմիավորվելու շարժմանը» միանալու մասին: Դա առաջ է բերում Խորհրդի դժգոհությունն ու զարմանքը, քանի որ մշտապես փոփոխվող և լարված միջազգային իրադրության մեջ Ադրբեջանը չի կարող անմասն մնալ կատարվող գործընթացներից` հավակնելով կորցնել պետական անկախությունը, գտնում է Ակպերը: Խորհուրդը կազմակերպելու է հանրային միջոցառումներ, խորհրդաժողովներ և կլոր սեղաններ, որոնցում կքննարկվեն ԵՄ և ՆԱՏՕ-ի հետ մերձեցման ճանապարհները: Հիմնադիր խորհրդաժողովում ընտրվել են Եվրատլանտյան Խորհրդի ղեկավար մարմինները:
Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | ՌԴ ԱԳ փոխնախարար․ Կարևոր է, որ Ալմաթիի շփումները եռակողմ պայմանավորվածությունների հունով են գնում «Սատարում ենք Աստանայի ջանքերին այդ ուղղությամբ»,–ասել է նա Ոստիկանություն․ Օպերային հարակից փողոցները փակ են լինելու Օպերայում անցկացվելու է EBRD–ի միջազգային ֆորումը Գիշերը բողոքի ակցիայի 5 մասնակից է ձերբակալվել Նրանք, ըստ իրավապաշտպանի, «Տավուշը հանուն հայրենիքի» շարժման ակտիվ աջակիցներ են Գալուզին․ ԵՄ առաքելությունը գործում է ՀՀ հարևանների՝ Ադրբեջանի և Իրանի դեմ, հակառուսական քարոզչություն տանում Նա ասել է, որ առաքելությունը հաշվետու չէ «ոչ Հայաստանին, ոչ Ադրբեջանին, ոչ այլ շահագրգիռ երկրներին ու կառույցներին» |